Buxoro viloyati Olot tumani Amu-Buxoro mashina kanali boshqarmasi 6—15-may kunlari ilmiy-tadqiqot ishlarini amalga oshirish hujjatlarini ishlab chiqish bo‘yicha tender o‘tkazdi. “Daryo” muxbiri lot ma’lumotlarini ko‘zdan kechirish jarayonida davlat xaridi jarayonida o‘zaro bog‘langan muassasalar ishtirok etganini aniqladi.
Lotda mashina kanalining Olot tuman boshqarmasi tasarrufidagi nasos stansiyalarida kavitatsiyani o‘lchash va nazorat qilish orqali elektr energiya tejaydigan innovatsion texnologiya joriy etish xizmati o‘ynalgan. Tenderning umumiy boshlang‘ich qiymati 100 million so‘m etib belgilangan.
Tenderni yutish uchun ikki dona korxona raqobatlashgan. Bular:
- Toshkent irrigatsiya va qishloq xo‘jaligini mexanizatsiyalash muhandislari instituti;
- Toshkent irrigatsiya va qishloq xo‘jaligini mexanizatsiyalash muhandislari institutining Buxoro tabiiy resurslarni boshqarish instituti.
Ya’ni bir oliy ta’lim muassasasi va ushbu OTM huzurida ochilgan boshqa bir institut bir tenderni yutish uchun “kurashyapti”. Manfaatlar bir bo‘lgan vaziyatda raqobat muhiti buzilishi ehtimoli bor.
Xarid komissiyasining yakuniy natijalariga ko‘ra, tenderni 86.5 ball bilan TIQXMMI yutib oldi. Shartnoma summasi 98 million so‘m.
Mas’ullardan ushbu shubhali tender natijalariga e’tibor qaratishni so‘raymiz.
Izoh (0)