O‘zbekistonda 2023-yilning o‘tgan davrida ovqatdan zaharlanish oqibatida 2 nafar bemor vafot etgan. Bu haqda Sanitariya-epidemiologik osoyishtalik va jamoat salomatligi qo‘mitasi xabar berdi.
Ma’lum qilinishicha, 2023-yilning o‘tgan davriga 21 ta holatda ovqatdan zaharlanish qayd etilib, 107 nafar fuqaro jabrlangan (ularning 22 nafari bolalar), 2 nafar bemor vafot etgan (uy sharoitida tayyorlangan konserva mahsulotini isteʼmol qilgan).
Jami qayd etilgan zaharlanishlardan 15 ta holatda uy sharoitida tayyorlangan konserva mahsulotlarini isteʼmol qilish oqibatida botulizm kasalligi qayd etilib, 52 nafar fuqaro jabrlangan, shundan 8 nafarini bolalar tashkil etadi. 6 ta holatda “ovqat toksikinfeksiyasi” qayd etilgan bo‘lib, 55 nafar fuqaro jabrlangan bo‘lsa, shulardan 11 nafarini bolalar tashkil etgan.
Ikkita holatda umumiy ovqatlanish shoxobchalarida, yaʼni bir zumda tayyorlanadigan lavash, burger va shu kabi tezpishar mahsulotlarni tayyorlash jarayonida ularning texnologiyasiga to‘liq rioya etmagani, mahsulotlar noto‘g‘ri saqlangani, qolaversa, ushbu mahsulotlarni tayyorlash jarayonida mahsulotlarning bir-biriga mos kelmasligi oqibatida isteʼmol qilgan fuqarolar orasida oshqozon-ichak faoliyatining buzilishi va ovqatdan zaharlanishga sabab bo‘lgan.
Ovqatdan zaharlanish holatlari
Samarqand viloyati Qo‘shrabot tumanida 6-yanvar kuni 5 kishi ovqatdan zaharlangandi. Ko‘rsatilgan tibbiy yordamga qaramasdan, 24 yoshli E.Sh. (erkak) 14-yanvar kuni, 26 yoshli E.D. (ayol) 26-yanvar kuni vafot etgan.
Fevral oxirlarida esa Toshkent viloyati Oqqo‘rg‘on tumanida yashovchi oilada ovqatdan ommaviy ravishda zaharlanish holati sodir bo‘lgandi. Voqea joyida oilaning 3 nafar a’zosi: 1961-yilda tug‘ilgan ayol, 1978-yilda tug‘ilgan erkak va 1982-yilda tug‘ilgan ayol vafot etgan. Shuningdek, ushbu xonadonda yashovchi 18 yoshli R.M. kasalxona jonlantirish bo‘limida vafot etgan.
Izoh (0)