Amerika kosmik agentligi NASAning Jeyms Uebb kosmik teleskopi Yupiter va Mars o‘rtasidagi asteroid kamarida joylashgan kometa atrofidagi suv bug‘ini suratga oldi. Bu haqda CNN xabar berdi.
Mutaxassislar bu kashfiyotni Yerdagi suvning kelib chiqishini o‘rganishda “uzoq kutilgan ilmiy yutuq” deb atadi. Uebb NIRSpec (infraqizil diapazondagi spektrograf) qurilmasi yordamida astronomlar birinchi marta 238P/Read kometasi atrofida suv bug‘i borligini tasdiqladi.
Biroq bu mutaxassislar oldiga yangi jumboqni qo‘ydi, sababi kometada karbonat angidrid yo‘q edi.
Read kometasi — asosiy asteroid kamarida joylashgan obyekt. Ushbu kashfiyotdan oldin bunday kometalarda muzlar Quyoshdan uzoqroqda saqlanishi mumkinligiga ishonilgan. Olimlar uzoq vaqt suv muzini Yupiter orbitasi ichidagi issiqroq asteroid kamarida saqlash mumkinligini taxmin qilgan, ammo o‘sha paytda hech qanday dalil bo‘lmagan.
“O‘tmishda biz asosiy kamarda kometalarning barcha xususiyatlarini ko‘rganmiz, biroq hozir Uebbning aniq spektral maʼlumotlariga asoslanib, aynan suv muzi bu effektni yaratayotganini aytishimiz mumkin”, — deydi tadqiqotning yetakchi muallifi, Merilend universiteti astronomi Maykl Kelli.
Izoh (0)