Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.
Shohjahon Jo‘rayev hududlardan birida otasi Sherali Jo‘rayevning konserti bo‘layotganini eshitib, u yerga bordi hamda konsertni o‘z qo‘liga oldi.
Amir Temur haqidagi filmda bosh rolni ijro etayotgan amerikalik aktyor Kristian Mortensen Yulduz Rajabovaning o‘ta iste’dodli aktrisa ekanligini ta’kidladi.
Xonandalar Oybek va Nigora BAAning Ras al-Xayma shahrida hordiq chiqarmoqda.
Gulsanam Mamazoitova muxlislariga minnatdorchilik bildirdi.
Umidaxon 9-may — Xotira va qadrlash kuni munosabati bilan ijodiy jamoasi bilan ota-onasining uyida bayram tashkillashtirdi.
“Oila yuksaklarga parvoz qilishga ko‘maklashadi”, — deydi Shirin Zoitova.
Munisa Rizayeva kuzatuvchilarining izoh va xabarlarini o‘qib, ularga javob qaytardi. Folloverlardan biri xonandaning haligacha turmush qurmagani va farzandsiz ekanligi haqida gapirdi. Munisa ushbu mavzuda gapirar ekan, “taqdirim o‘z qo‘limda bo‘lganida, qanday yashashni o‘zim bilardim”, qabilida javob berdi.
Rossiyalik taniqli grim ustasi Goar Avetisyanning shogirdi, vizajist Akobir 30 yoshga to‘lishi munosabati bilan Toshkentda katta bayram tashkillashtirdi. Kechada tojikistonlik xonanda Shabnam Surayyo, O‘zbekiston xalq artistlari Farruh Zokirov, Yulduz Usmonova, taniqli xonandalar Munisa Rizayeva, Imron, Yorqinxo‘ja Umarov hamda boshqa ko‘plab shou-biznes vakillari ishtirok etdi.
Alisher Uzoqov “Million” kulgi jamoasining konsertiga tushdi hamda bundan buyog‘iga Mirkomil Musayevni sahnada ko‘rmaslik qayg‘uli ekanligini yozib qoldirdi.
Feruza Normatova ota-onasi, opa-singillari va ukasi bilan takroran Umra safariga yo‘l oldi.
Dilnoza Kubayeva “Er bermoq – jon bermoq” kinokomediyasidagi dugonasi Barno — aktrisa Muborak Jamolxonovani uchratib qoldi.
Tarqalib ketgan “Afandining qizlari” triosi aktrisasi, vayner Muborak Abdullayeva Istanbul shahrida oshqozonini kichraytirish bo‘yicha operatsiyani boshdan kechirdi.
Izoh (0)