Angela Merkel 2005-yildan 2021-yilgacha Germaniya kansleri lavozimida ishladi. 2021-yil sentabrida u parlament saylovlarida qatnashishdan bosh tortdi va siyosatdan ketishini ma’lum qildi. Ammo u Germaniya tarixidagi birinchi va yagona ayol kansler bo‘lib qoldi.
Ko‘plab nemislar uni “muti” — ona deb atashadi. Barcha nemislar uchun ona maqomida bo‘lsa-da, Merkelning farzandi yo‘q. Ularning o‘rnini haqiqatan ham nemis xalqi, shuningdek, uning ikkinchi eri Ioaxim Zauerning bolalari egallaydi.
Merkelning farzand ko‘rmaganining o‘z sabablari bor. 23 yoshida unga bepushtlik tashxisi qo‘yiladi. Merkel bir necha bor eng yaxshi klinikalarda davolangan, ammo hech biri natija bermagan.
Mish-mishlarga ko‘ra, Merkelning birinchi turmush o‘rtog‘i, kimyogar Ulrix Merkel bilan ajrashishiga asosiy sabab farzandsizlik bo‘lgan. Shuning uchun ajrashish Angelaga juda og‘ir botgan, eri esa bundan afsuslanmagan.
Aytishlaricha, Merkel sobiq eri bilan bo‘lgan travmatik vaziyat tufayli Germaniyada surrogat onalikni taqiqlagan — ushbu protsedurani amalga oshiradigan shifokor 3 yilgacha qamoq jazosiga hukm qilinishi mumkin.
Mish-mishlarga ko‘ra, Ulrix Merkelning ikkinchi rafiqasi ham farzand ko‘rolmagan, keyin ular surrogat ona xizmatidan foydalanishgan. Angela buni eshitgach, g‘azablanadi va surrogatlikni taqiqlash to‘g‘risidagi qonun loyihasini taklif qiladi.
Biroq bu shunchaki g‘iybat. Rasmiy ma’lumotlarga ko‘ra, bunday xizmatni taqiqlash sababi boshqa. Surrogatlik Yevropaning ko‘plab rivojlangan mamlakatlarida, shuningdek, AQSHning ba’zi shtatlarida ham taqiqlangan.
Xususan, Germaniya parlamentining 1991-yilda bu boradagi rasmiy pozitsiyasi:
“Surrogat onalik bola ruhiyatiga ziddir, chunki u va uni ko‘taruvchi ona o‘rtasidagi psixoijtimoiy munosabatlar hisobga olinmaydi. Tug‘ilgandan so‘ng chaqaloqni onadan olib qo‘yish ikkalasi uchun ham salbiy oqibatlarga olib kelishi mumkin”.
Germaniya kansleri Angela Merkel “Xristian-demokratik ittifoq” partiyasida siyosiy yuksaklikka erishdi. Shuning uchun u hayot homiladan boshlanadi degan diniy e’tiqodning vorisi ekanligi mantiqan to‘g‘ri, ya’ni embrion bilan har qanday "g‘ayritabiiy" manipulyatsiyalar qabul qilinishi mumkin emas.
Izoh (0)