Farg‘onada ayol taksichining kiyimini o‘g‘irlab ketdi

Farg‘ona shahrida yo‘lovchi ayol haydovchining kiyimlarini o‘g‘irlab ketdi. Bu haqda viloyat IIB axborot xizmati xabar berdi. 

Xabarga ko‘ra, fuqaro K.J. IIBga murojaat qilib, unda 2023-yilning 13-aprel kuni nomaʼlum shaxs Farg‘ona shahridagi  bank yonidan boshqaruvidagi mashinaga yo‘lovchi sifatida chiqqanini aytgan. Shahar markazida joylashgan to‘yxona oldiga yetib kelgan vaqtida u chalg‘iganidan foydalanib, orqa o‘rindiqda bo‘lgan narxi 300 000 so‘mlik ustki kiyimini yashirin ravishda o‘g‘irlab, hodisa joyidan yashiringan.

Mazkur holat yuzasidan Farg‘ona shahar IIO FMB huzuridagi tergov bo‘limi tomonidan jinoyat kodeksining 169-moddasi 1-qismi (o‘g‘rilik) bilan jinoyat ishi qo‘zg‘atilgan.

Olib borilgan tezkor-surishtiruv ishlari davomida ushbu jinoyatni A.J ismli ayol sodir etgani aniqlanib, tergov harakatlari olib orilmoqda.