7-mayda Toshkentda O‘zbekiston Yilqichilik va ot sport federatsiyasi kubogining g‘oliblari aniqlandi. Tadbir sport o‘yinlari bilangina kifoyalanib qolmay, keng shodiyona shaklida o‘tdi.
Ot minish va ot sporti bugungi kunda aristokratlik bilan uyg‘un tilga olinadi. Dunyodagi eng mashhur tadbir – Britaniyadagi Askotda o‘tkaziladigan Qirollik poygasini olaylik. Qirollik oilasi tashrif buyuradigan ushbu poygada dress-kodga rioya etish qabul qilingan, mehmonlarning ajoyib shlyapalari esa, e'tiborni jalb qilishda “Oskar” qizil yo‘lkasidagi liboslardan aslo qolishmaydi.
Yilqichilik va ot sporti federatsiyasi kubogi uchun musobaqalar afsonaviy Askot ruhiyatida o‘tdi. Tashkilotchilar faqat sport o‘yinlari bilan chegaralanib qolmay, tadbirni aristokratlarga xos shodiyona tarzida o‘tkazdilar. Askotda bo‘lgani kabi, bu yerda ham dress-kod amal qildi: zebo libos va shlyapa.
O‘zbekiston Yilqichilik va ot sporti federatsiyasi bilan imzolangan memorandum doirasida Kubok hammuassisi “Gusta Creations” MChJ bo‘ldi. Konkurs bo‘yicha musobaqani aristokratlar shodiyonasi bilan uyg‘unlashtirish g‘oyasi kompaniya muassisi Go‘zal Irmatovaga tegishli.
“Yilqichilik va ot sporti federatsiyasi kubogi O‘zbekistonning eng kuchli konkurchilarini jamlaganidan mamnunmiz. Ularning mahorati, ajoyib tayyorgarligi va jasoratidan hayratda qoldim. Bu yil Kubok birinchi bor o‘tkazildi. Ammo biz turnir har yil o‘tkazilishi va yangi chempionalar chiqishiga xizmat qilishiga umid qilamiz”, - dedi “Gusta Creations” MChJ muassisi Go‘zal Irmatova.
Ot sporti musobaqalarida 60 dan ziyod chavandoz qatnashdi. O‘zbekiston konkurchilaridan tashqari, maydonga Qozog‘iston, Belarus va rossiyalik sportchilar chiqdilar. O‘zbekiston Respublikasi TIV huzuridagi Diplomatik korpusga xizmat ko‘rsatish byurosi ko‘magida taklif etilgan elchixonalar va xalqaro tashkilotlar vakillari tadbirning faxriy mehmonlari bo‘ldilar.
Torli kvartet ijrosidagi klassik musiqa tadbirga o‘ziga xos muhit bag‘ishladi. Musobaqa O‘zbekiston xalq artisti Jenisbek Piyazov ijrosidagi O‘zbekiston madhiyasi bilan boshlandi.
Tomoshabinlar e'tibori aqlni ojiz qoldiruvchi latofatga ega tulporlarga va o‘z mahoratlarini to‘laqonli namoyish etayotgan mohir chavandozlarga qadaldi. Konkur Olimpiya o‘yinlari dasturiga kiradi va ot sportining eng tarovatli turlaridan sanaladi.
O‘yin qoidalariga ko‘ra, chavandoz otda turli to‘siqlar vositasida murakkablashtirilgan marshrutni bosib o‘tishi talab etiladi. Ularni to‘g‘ri ketma-ketlikda, sakrashda tegib ketmay bosib o‘tish va belgilangan vaqtda ulgurish muhim.
Mehmonlarni tadbirlarga boy dastur kutardi. O‘zbek estradasi muxlislarini qo‘shiqchilar Yorqinxo‘ja Umarov, Imron, Anvar Jo‘raev (“Sahar” guruhi) chiqishlari quvontirdi, moda ixlosmandlari esa, “Ice Hot” brendi modalar namoyishidan zavq oldilar. Harir, ukpardek matolar, yorqin ranglar va ajoyib bosh kiyimlar zamonaviy yozgi obrazlarda shu darajada jonli namoyon bo‘ldi-ki, beixtiyor, jazirama yozimiz oldidan ularni birma-bir kiyib ko‘rish istagi tug‘ildi.
Mehmonlar gurunglashib o‘tirdilar, “Roma Pizza” yangigina tayyorlagan pitssalardan tatib ko‘rdilar, keytering-hududdagi “Basri Baba” restoranidan turk taomlariga munosib baho berdilar.
Kubok marshrutini loyihalashtirishga xalqaro toifadagi kurs-dizayner Abdul Kamal (Fransiya) mas'ul bo‘ldi. Musobaqa 3 ta toifada o‘tkazildi:
- 12–14 yoshdagi bolalar. G‘olib – Firdavsbek Davronbekov, “Bakarboni DG” laqabli otda;
- 5–6 yoshdagi yosh otlar uchun marshrut. G‘olib – Alisher Erkinov, “Etos” laqabli otda;
- Erkin toifa. G‘olib – A'zam Tolibboyev, “Klass Iks” laqabli otda.
“Erkin toifa” marshrutini ham havaskorlar, ham tajribali sportchilar bosib o‘tishi mumkin bo‘ldi. Bu ot sporti bilan professional darajada shug‘ullanmaydiganlar uchun o‘z kuchlarini sinab ko‘rishning ajoyib imkoniyati bo‘ldi. Ekspertlarga ko‘ra, natijalarni oldindan aytib bo‘lmaydi: ba'zida havaskorlar marshrutni sportchilarga qaraganda yaxshiroq natija bilan bosib o‘tadilar.
O‘zbekiston yilqichilik va ot sporti federatsiyasi kubogi g‘oliblarni tantanali taqdirlash va rangorang feyerverk bilan yakunlandi. Oqshom so‘ngiga qadar DJ Alexmit pult oldida turdi.
Tadbirga homiylik ko‘magini “Trastbank” XAB va “Premium Uzbekistan” kompaniyasi ko‘rsatdi. Shuningdek, “Montella” ichimlik suvi ishlab chiqaruvchisi, “Premium Auto” avtosaloni, “Light Media Invest” reklama agentligi tadbir hamkori bo‘ldi. Tadbirni uyushtirishda “Unique Present Media Holding” xoldingi yordamlashdi.
Reklama huquqi asosida.
Izoh (0)