IMZO Buxoroda yangi ishlab chiqarish franshiza fabrikasini ochdi

Buxorodagi fabrika IMZO fabrikasining ishlab chiqarish franshizasi doirasida ochilgan to‘rtinchi zavodi bo‘ldi. 

Joriy yilning 5 may kuni Buxoroda IMZO fabrikasining yangi franshiza ishlab chiqarish fabrikasi ochilishi bo‘lib o‘tdi. Yangi maskan IMZOning ishlab chiqarish franshizasi ostida ochilgan to‘rtinchi fabrika hisoblanadi. 

Tadbirda Buxoro viloyati hokimligi va IMZO fabrikasi rahbariyati, kompaniya hamkorlari, ommaviy axborot vositalari hamda keng jamoatchilik vakillari ishtirok etdi.

Loyiha taqdimotida tayyor biznes yechimlarni taklif etuvchi IMZO franshizasi O‘zbekiston hududlaridan kelgan tadbirkorlar uchun yangi imkoniyatlar ochayotgani ta’kidlandi.

Buxorodagi IMZO fabrikasi 6000 kvadrat metr maydonda joylashgan. Yangi fabrikada tayyor oyna-rom va eshik tizimlari ishlab chiqariladi. Korxonaning ishlab chiqarish quvvati yiliga taxminan 180 ming kvadrat metrni tashkil qiladi. Bu esa sifatli mahsulotlarga o‘sib borayotgan talabni to‘liq qoplaydi. Buxorodagi IMZO franshiza fabrikasining ochilishi natijasida 100 ga yaqin yangi ish o‘rni yaratildi.

Yangi fabrika bilan bir vaqtda 250 kvadrat metr maydonga ega zamonaviy IMZO ko‘rgazma zalining ochilishi ham bo‘lib o‘tdi. Bu yerda kompaniya mijozlari uchun qulay sharoitlar yaratilgan.

Jumladan, xaridorlar deraza-rom tanlash va o‘rnatish bo‘yicha menejerlardan maslahat olishi, fabrikada ishlab chiqarilayotgan deraza va eshik tizimlarining modellari bilan tanishishi mumkin.

IMZO fabrikasi O‘zbekistonda ishlab chiqarish franshizalarini bunyod etib ishga tushirishda haqli ravishta peshqadam korxonalardan hisoblanadi. Bundan bir yil avval Andijonda IMZOning birinchi franshiza fabrikasi ishga tushirilishi bilan kompaniya mamlakatimiz ishbilarmonlik muhitida yangi tendentsiyani o‘rnatgandi.

IMZO franshiza fabrikasi ochilishi o‘zaro manfaatli va uzoq muddatli strategik hamkorlikni nazarda tutadi. Hamkorlik doirasida sherik nafaqat franshiza brendining ijobiy obro‘siga ega bo‘ladi, shu bilan birga keng ko‘lamda qo‘llab-quvvatlanadigan biznesni boshqarish bo‘yicha batafsil qo‘llanmalarni, jumladan marketing, IT va HR vositalarini, tayyor hujjatlarni va intellektual mulkni qo‘lga kiritadi. 

O‘z tajribasi, bilim va texnologiyalarini ulashayotgan IMZO butun O‘zbekiston bo‘ylab biznes tuzilmasini rivojlantirishni maqsad qilgan. Bu esa mamlakatimiz hududlarida tadbirkorlikni rivojlantirish va fuqarolarning turmush darajasini yanada oshirishga ijobiy ta’sir ko‘rsatadi.

IMZO fabrikasining Buxoro viloyati G’ijduvon shahridagi shourumi telefon raqami:
+99890 083-1111
IMZO fabrikasi bilan franshiza hamkorlik shartlari haqida batafsil ma'lumot olish uchun yagona call-markaziga murojaat qiling:
 +998 71-207-77-77