7-майда Тошкентда Ўзбекистон Йилқичилик ва от спорт федерацияси кубогининг ғолиблари аниқланди. Тадбир спорт ўйинлари билангина кифояланиб қолмай, кенг шодиёна шаклида ўтди.
От миниш ва от спорти бугунги кунда аристократлик билан уйғун тилга олинади. Дунёдаги энг машҳур тадбир – Британиядаги Аскотда ўтказиладиган Қироллик пойгасини олайлик. Қироллик оиласи ташриф буюрадиган ушбу пойгада дресс-кодга риоя этиш қабул қилинган, меҳмонларнинг ажойиб шляпалари эса, эътиборни жалб қилишда “Оскар” қизил йўлкасидаги либослардан асло қолишмайди.
Йилқичилик ва от спорти федерацияси кубоги учун мусобақалар афсонавий Аскот руҳиятида ўтди. Ташкилотчилар фақат спорт ўйинлари билан чегараланиб қолмай, тадбирни аристократларга хос шодиёна тарзида ўтказдилар. Аскотда бўлгани каби, бу ерда ҳам дресс-код амал қилди: зебо либос ва шляпа.
Ўзбекистон Йилқичилик ва от спорти федерацияси билан имзоланган меморандум доирасида Кубок ҳаммуассиси “Gusta Creations” МЧЖ бўлди. Конкурс бўйича мусобақани аристократлар шодиёнаси билан уйғунлаштириш ғояси компания муассиси Гўзал Ирматовага тегишли.
“Йилқичилик ва от спорти федерацияси кубоги Ўзбекистоннинг энг кучли конкурчиларини жамлаганидан мамнунмиз. Уларнинг маҳорати, ажойиб тайёргарлиги ва жасоратидан ҳайратда қолдим. Бу йил Кубок биринчи бор ўтказилди. Аммо биз турнир ҳар йил ўтказилиши ва янги чемпионалар чиқишига хизмат қилишига умид қиламиз”, - деди “Gusta Creations” МЧЖ муассиси Гўзал Ирматова.
От спорти мусобақаларида 60 дан зиёд чавандоз қатнашди. Ўзбекистон конкурчиларидан ташқари, майдонга Қозоғистон, Беларусь ва россиялик спортчилар чиқдилар. Ўзбекистон Республикаси ТИВ ҳузуридаги Дипломатик корпусга хизмат кўрсатиш бюроси кўмагида таклиф этилган элчихоналар ва халқаро ташкилотлар вакиллари тадбирнинг фахрий меҳмонлари бўлдилар.
Торли квартет ижросидаги классик мусиқа тадбирга ўзига хос муҳит бағишлади. Мусобақа Ўзбекистон халқ артисти Женисбек Пиязов ижросидаги Ўзбекистон мадҳияси билан бошланди.
Томошабинлар эътибори ақлни ожиз қолдирувчи латофатга эга тулпорларга ва ўз маҳоратларини тўлақонли намойиш этаётган моҳир чавандозларга қадалди. Конкур Олимпия ўйинлари дастурига киради ва от спортининг энг тароватли турларидан саналади.
Ўйин қоидаларига кўра, чавандоз отда турли тўсиқлар воситасида мураккаблаштирилган маршрутни босиб ўтиши талаб этилади. Уларни тўғри кетма-кетликда, сакрашда тегиб кетмай босиб ўтиш ва белгиланган вақтда улгуриш муҳим.
Меҳмонларни тадбирларга бой дастур кутарди. Ўзбек эстрадаси мухлисларини қўшиқчилар Ёрқинхўжа Умаров, Имрон, Анвар Жўраeв (“Саҳар” гуруҳи) чиқишлари қувонтирди, мода ихлосмандлари эса, “Ice Hot” бренди модалар намойишидан завқ олдилар. Ҳарир, укпардек матолар, ёрқин ранглар ва ажойиб бош кийимлар замонавий ёзги образларда шу даражада жонли намоён бўлди-ки, беихтиёр, жазирама ёзимиз олдидан уларни бирма-бир кийиб кўриш истаги туғилди.
Меҳмонлар гурунглашиб ўтирдилар, “Roma Pizza” янгигина тайёрлаган пиццалардан татиб кўрдилар, кейтеринг-ҳудуддаги “Basri Baba” ресторанидан турк таомларига муносиб баҳо бердилар.
Кубок маршрутини лойиҳалаштиришга халқаро тоифадаги курс-дизайнер Абдул Камал (Франция) масъул бўлди. Мусобақа 3 та тоифада ўтказилди:
- 12–14 ёшдаги болалар. Ғолиб – Фирдавсбек Давронбеков, “Bakarboni DG” лақабли отда;
- 5–6 ёшдаги ёш отлар учун маршрут. Ғолиб – Алишер Эркинов, “Этос” лақабли отда;
- Эркин тоифа. Ғолиб – Аъзам Толиббоев, “Класс Икс” лақабли отда.
“Эркин тоифа” маршрутини ҳам ҳаваскорлар, ҳам тажрибали спортчилар босиб ўтиши мумкин бўлди. Бу от спорти билан профессионал даражада шуғулланмайдиганлар учун ўз кучларини синаб кўришнинг ажойиб имконияти бўлди. Экспертларга кўра, натижаларни олдиндан айтиб бўлмайди: баъзида ҳаваскорлар маршрутни спортчиларга қараганда яхшироқ натижа билан босиб ўтадилар.
Ўзбекистон йилқичилик ва от спорти федерацияси кубоги ғолибларни тантанали тақдирлаш ва рангоранг фейерверк билан якунланди. Оқшом сўнгига қадар DJ Alexmit пульт олдида турди.
Тадбирга ҳомийлик кўмагини “Trastbank” ХАБ ва “Premium Uzbekistan” компанияси кўрсатди. Шунингдек, “Montella” ичимлик суви ишлаб чиқарувчиси, “Premium Auto” автосалони, “Light Media Invest” реклама агентлиги тадбир ҳамкори бўлди. Тадбирни уюштиришда “Unique Present Media Holding” холдинги ёрдамлашди.
Реклама ҳуқуқи асосида.
Изоҳ (0)