Ushbu laboratoriyaning tashkil etilishi natijasida onkologik tashxis qo‘yilgan bemorlar mamlakatni tark etmasdan juda qisqa vaqt ichida Turkiyaning nufuzli Anadolu tibbiyot markazining yuqori malakali mutaxassislaridan zarur gistologik maslahat olishlari mumkin bo‘ladi.
2005-yilda tashkil etilgan Anadolu klinikasi Turkiyadagi yetakchi tibbiyot markazlaridan biri hisoblanadi. Klinikaning yuksak maqomi Turkiyada ham, xorijda ham tan olingan. Klinika dunyoga mashhur Johns Hopkins tibbiyot markazining strategik hamkori hisoblanadi.
Anadolu tibbiyot markazi onkologiya, umumiy jarrohlik, kardiologiya, nevrologiya, ginekologiya, EKU va ortopediya kabi tibbiyot sohalariga ixtisoslashgan.
Amerika Qo‘shma Shtatlaridagi Johns Hopkins klinikasi bilan bevosita hamkorlik natijasida, klinika shifokorlari tibbiyot sohasidagi ilg‘or innovatsiyalar va texnologiyalardan uzluksiz foydalanish imkoniyatiga ega.
“Anadolu” tibbiyot markazining Toshkentdagi rasmiy vakili, onkolog Akbarxon Mavlonxo‘jayevning ta’kidlashicha, gistologik tekshiruv onkologiyani davolashda juda muhim bosqich hisoblanadi. Agar bemorda shubhali o‘smalar aniqlansa, birinchi navbatda uning tabiatini tekshirish kerak.
Buning uchun biopsiya yoki operatsiya o‘tkaziladi, so‘ngra o‘simta namunalari gistologik laboratoriyaga yuboriladi. Mutaxassislar materialni o‘rganib, kasallik haqida xulosa chiqarishadi. Aynan ularning hulosasiga ko‘ra yakuniy tashxis qo‘yiladi va shunga mos ravishda davolanish belgilanadi. Gistologik tekshiruvdagi xatolar bemor uchun halokatli bo‘lishi mumkin.
“O‘zbekistonlik bemorlar tashxis qo‘yish yoki qayta tekshirish maqsadida gistologik maslahat olish uchun klinikamizga tez-tez murojaat qilib turishadi, chunki ular Amerika Patologlar kollegiyasi va dunyoga mashhur Johns Hopkins tibbiyot markazi sertifikatiga ega gistolog-mutaxassislarimizga ishonishadi.
Biroq avvallari bemorlarimiz Istanbuldagi klinikamizga borishlari yoki materiallarni Turkiyaga jo‘natishlari kerak edi, bu uchun esa katta mablag‘ va ko‘p vaqt talab etilar edi.
Endi ular xorijga chiqmasdan, Toshkentdagi laboratoriyamizda bor-yo‘g‘i 2-3 kun ichida konsultatsiya olish imkoniyatiga ega” – dedi “Anadolu” tibbiyot markazining Toshkentdagi rasmiy vakili, onkolog Akbarxon Mavlonxo‘jayev.
Raqamli gistologiya laboratoriyasi mudiri, patogistolog Vyacheslav Lisenkovning ta’kidlashicha, bemorlar to‘g‘ridan-to‘g‘ri patologik material namunalarini shu yerga olib kelishlari mumkin.
Zamonaviy texnologiyalar va uskunalari yordamida mutaxassislarimiz ularni shu yerning o‘zida skanerlashi va Turkiyadagi hamkasblarimizga juda yuqori aniqlikka ega tasvirlarni yuborishlari mumkin bo‘ladi. Anadolu tibbiyot markazining professor-gistologlari ularni sinchiklab o‘rganib chiqib, aniq tashxisni ko‘rsatuvchi batafsil gistologik hisobot tayyorlaydilar.
Ta’kidlab o‘tish lozimki, Anadolu tibbiyot markazining xalqaro sertifikatlarga ega laboratoriyasida raqamli gistologiyani qayta ko‘rib chiqish imkoniyatini beruvchi bu kabi loyiha O‘zbekistonda va butun Markaziy Osiyoda ilk marotaba amalga oshirilmoqda.
Murojaat uchun telefonlar: +998 90 114 46 66,
Manzil: Yakkasaroy tumani, massiv Rakat, 10/25.
E-mail: mailto:anadolu.tashkent@anadolusaglik.org
Sayt: http://www.anadolumedicalcenter.ru/
Facebook: http://www.fb.com/anadolumedical.official
Instagram: http://www.instagram.com/anadolumedicalcenter_ru
Reklama huquqi asosida.
Izoh (0)