Ушбу лабораториянинг ташкил этилиши натижасида онкологик ташхис қўйилган беморлар мамлакатни тарк этмасдан жуда қисқа вақт ичида Туркиянинг нуфузли Anadolu тиббиёт марказининг юқори малакали мутахассисларидан зарур гистологик маслаҳат олишлари мумкин бўлади.
2005 йилда ташкил этилган Anadolu клиникаси Туркиядаги етакчи тиббиёт марказларидан бири ҳисобланади. Клиниканинг юксак мақоми Туркияда ҳам, хорижда ҳам тан олинган. Клиника дунёга машҳур Жоҳнс Ҳопкинс тиббиёт марказининг стратегик ҳамкори ҳисобланади.
Anadolu тиббиёт маркази онкология, умумий жарроҳлик, кардиология, неврология, гинекология, ЭКУ ва ортопедия каби тиббиёт соҳаларига ихтисослашган.
Америка Қўшма Штатларидаги Жоҳнс Ҳопкинс клиникаси билан бевосита ҳамкорлик натижасида, клиника шифокорлари тиббиёт соҳасидаги илғор инновациялар ва технологиялардан узлуксиз фойдаланиш имкониятига эга.
“Anadolu” тиббиёт марказининг Тошкентдаги расмий вакили, онколог Акбархон Мавлонхўжаевнинг таъкидлашича, гистологик текширув онкологияни даволашда жуда муҳим босқич ҳисобланади. Агар беморда шубҳали ўсмалар аниқланса, биринчи навбатда унинг табиатини текшириш керак.
Бунинг учун биопсия ёки операция ўтказилади, сўнгра ўсимта намуналари гистологик лабораторияга юборилади. Мутахассислар материални ўрганиб, касаллик ҳақида хулоса чиқаришади. Айнан уларнинг ҳулосасига кўра якуний ташхис қўйилади ва шунга мос равишда даволаниш белгиланади. Гистологик текширувдаги хатолар бемор учун ҳалокатли бўлиши мумкин.
“Ўзбекистонлик беморлар ташхис қўйиш ёки қайта текшириш мақсадида гистологик маслаҳат олиш учун клиникамизга тез-тез мурожаат қилиб туришади, чунки улар Америка Патологлар коллегияси ва дунёга машҳур Жоҳнс Ҳопкинс тиббиёт маркази сертификатига эга гистолог-мутахассисларимизга ишонишади.
Бироқ авваллари беморларимиз Истанбулдаги клиникамизга боришлари ёки материалларни Туркияга жўнатишлари керак эди, бу учун эса катта маблағ ва кўп вақт талаб этилар эди.
Энди улар хорижга чиқмасдан, Тошкентдаги лабораториямизда бор-йўғи 2-3 кун ичида консултация олиш имкониятига эга” – деди “Anadolu” тиббиёт марказининг Тошкентдаги расмий вакили, онколог Акбархон Мавлонхўжаев.
Рақамли гистология лабораторияси мудири, патогистолог Вячеслав Лисенковнинг таъкидлашича, беморлар тўғридан-тўғри патологик материал намуналарини шу ерга олиб келишлари мумкин.
Замонавий технологиялар ва ускуналари ёрдамида мутахассисларимиз уларни шу ернинг ўзида сканерлаши ва Туркиядаги ҳамкасбларимизга жуда юқори аниқликка эга тасвирларни юборишлари мумкин бўлади. Anadolu тиббиёт марказининг профессор-гистологлари уларни синчиклаб ўрганиб чиқиб, аниқ ташхисни кўрсатувчи батафсил гистологик ҳисобот тайёрлайдилар.
Таъкидлаб ўтиш лозимки, Anadolu тиббиёт марказининг халқаро сертификатларга эга лабораториясида рақамли гистологияни қайта кўриб чиқиш имкониятини берувчи бу каби лойиҳа Ўзбекистонда ва бутун Марказий Осиёда илк маротаба амалга оширилмоқда.
Мурожаат учун телефонлар: +998 90 114 46 66,
Манзил: Яккасарой тумани, массив Ракат, 10/25.
E-mail: mailto:anadolu.tashkent@anadolusaglik.org
Sayt: http://www.anadolumedicalcenter.ru/
Facebook: http://www.fb.com/anadolumedical.official
Instagram: http://www.instagram.com/anadolumedicalcenter_ru
Реклама ҳуқуқи асосида.
Изоҳ (0)