Qashqadaryo viloyati Nishon tumanida ayol eri bilan spirtli ichimlik ichib o‘tirgan ayolni “samosud” qilgani aytilmoqda. Mazkur ayol qilgan ishiga izoh berib, voqeani aytib berdi.
Xabarga ko‘ra, hodisa 18-aprel kuni sodir bo‘lgan. Ayol erini bir guruh ayollar bilan behayo holatda aroq ichib o‘tirganini ko‘rgan. Shundan so‘ng qaynopalari bilan ular yashayotgan uyga borgan.
“Borib ularni ushladik, hammasi yalong‘och holatda o‘tirgan ekan. Keyin ular videoga olayotganda stress holatida edim, nima bo‘lganini bilmayman ham. Erim bilan ajrashmayman. Erimni topishlaringizni xohlayman, dedim. O‘sha kuni janjal bo‘ldi, ayolning o‘zi ham meni urdi. Men unga qarshi harakat qildim, biroq urmadim. Erim hozir yo‘q, o‘shalar bilan”, — deydi ayol.
Qayd etilishicha, 37 yoshli erkak nogiron onasi, rafiqasi va uch nafar farzandini tashlab ketib, 7 oydan buyon uyga qaytmagan. Mahalla xotin-qizlar faoli mazkur oila yaxshi oilalar ro‘yxatida ekani, hech qachon er-xotin o‘rtasida nizo chiqmaganini taʼkidlangan. Shuningdek, holat Nishon tumanida emas, Qarshi shahrida bo‘lgani aytib o‘tilgan.
Izoh (0)