Қашқадарё вилояти Нишон туманида аёл эри билан спиртли ичимлик ичиб ўтирган аёлни “самосуд” қилгани айтилмоқда. Мазкур аёл қилган ишига изоҳ бериб, воқеани айтиб берди.
Хабарга кўра, ҳодиса 18 апрель куни содир бўлган. Аёл эрини бир гуруҳ аёллар билан беҳаё ҳолатда ароқ ичиб ўтирганини кўрган. Шундан сўнг қайнопалари билан улар яшаётган уйга борган.
“Бориб уларни ушладик, ҳаммаси ялонғоч ҳолатда ўтирган экан. Кейин улар видеога олаётганда стресс ҳолатида эдим, нима бўлганини билмайман ҳам. Эрим билан ажрашмайман. Эримни топишларингизни хоҳлайман, дедим. Ўша куни жанжал бўлди, аёлнинг ўзи ҳам мени урди. Мен унга қарши ҳаракат қилдим, бироқ урмадим. Эрим ҳозир йўқ, ўшалар билан”, — дейди аёл.
Қайд этилишича, 37 ёшли эркак ногирон онаси, рафиқаси ва уч нафар фарзандини ташлаб кетиб, 7 ойдан буён уйга қайтмаган. Маҳалла хотин-қизлар фаоли мазкур оила яхши оилалар рўйхатида экани, ҳеч қачон эр-хотин ўртасида низо чиқмаганини таъкидланган. Шунингдек, ҳолат Нишон туманида эмас, Қарши шаҳрида бўлгани айтиб ўтилган.
Изоҳ (0)