Yog‘ ishlab chiqarish uchun texnologiya va zamonaviy asboblarning rivojlanishiga qaramay, Balxda kunjut yog‘ini ishlab chiqarish an’anaviy ravishda tuyalar yordamida amalga oshiriladi. “Daryo”ning Afg‘onistondagi muxbiri jarayon qanday kechishi haqida ma’lumot berdi.
Balx viloyatidagi kunjut yog‘i ishlab chiqaruvchilari mahsulotni an’anaviy usulda ishlab chiqarish sifatliroq ekani va uni afzal ko‘rishlarini bildirdi. Bu usul ming yillar davomida Afg‘oniston xalqiga Markaziy Osiyo davlatlaridan meros bo‘lib kelgan. Kunjut yog‘i ma’lum sabablarga ko‘ra odamlar orasida ko‘plab mijozlarga ega.
Ba’zilar bu yog‘ning normal moylardan kuchliroq ekanini va uning sog‘liq nuqtayi nazaridan zararsiz ekanini aytadi. Hozirda kunjut yog‘ining bir kilogrammi Mozori Sharif bozorlarida 5 dollardan sotilmoqda. Bu yog‘nig bir qismi xorijga ham eksport qilinadi.
Kunjut yog‘i Mozori Sharifdagi ko‘plab restoranlarda ham ishlatiladi. Undan tayyorlangan palov Afg‘oniston shimolidagi mashhur taomlardan biridir.
An’anaviy usulda kunjut yog‘i ishlab chiqaruvchi zavodlardan birining egasi Muhammad Juma bu zavodda bir necha yillardan beri ishlagani va kuniga o‘rtacha 25-30 kilogramm mahsulot ishlab chiqarilishini aytdi.
“Kunjut yog‘i tabiiy bo‘lib, diabet, nafas qisilishi yoki yurak kasalliklari uchun foydali ekanligini ko‘rsatdi”, — deydi u.
Mozori Sharifda kunjut yog‘i ishlab chiqaruvchilardan biri Rahmatulloh shunday deydi: “Hozirgi vaqtda kunjutning narxi ko‘tarilib, havo quruqligi bunga ta’sir qilmoqda. xorijliklar kunjutni Afg‘onistondan olib ketyapti, u yerdan arzon yog‘ olib kelishyapti”.
Rahmatullohning aytishicha, bu kasb ota-bobolaridan qolgan. U kuniga 30 kilogramm kunjut va zig‘ir yog‘i ishlab chiqarilishini aytadi.
“Bu kasbni o‘zbek va turkmanlardan boshqa hech kim to‘g‘ri bajara olmagani uchun bu ishga qiziqaman”, — degan u.
Besmelloh Mahmudiy, Balx
Izoh (0)