Afg‘onistonda avtomobillarning sotuv narxi 50 foizga arzonlashdi. “Daryo”ning Afg‘onistondagi muxbiri Mozori Sharifdagi ayrim avtosalonlardan avtomashinalarning savdosi haqida ma’lumot oldi.
Respublikada avtomobil savdosi avvalgidek yaxshi emas. Mashina sotuvchilari avtomobillar narxi 50 foizga arzonlashganiga qaramay, odamlar avvalgidek mashina sotib olishga qiziqmayotganini aytmoqda.
Avvallari o‘n ming dollar bo‘lgan mashinalar endi besh ming dollarga sotilmoqda. Avtomobillarning avvalgi va hozirgi narxlari quyidagicha:
- Toyota Corolla (2007-yil ishlab chiqarilgan) ilgari 10 ming dollarga sotilayotgan bo‘lsa, hozir 5 va 6 ming dollargacha;
- Toyota Corolla (2003-yil) avval 8 ming dollar, hozir 4 ming dollar;
- Mercedes-Benz 2006 avval 12 ming dollar, hozir 5 ming dollar;
- Prado 2010 avval 18 ming dollar, hozir 10 ming dollar;
Bular Afg‘oniston bozorlariga yetkazib berilayotgan Yaponiya, Kanada, Amerika va Germaniyada ishlab chiqilgan avtomobillardir. Mozori Sharifdagi avtomobil sotuvchilaridan biri Fardinning aytishicha, uning eng arzon mashinasi 2 ming dollar, eng qimmati esa 40 ming dollar turadi.
Odamlar ko‘proq sotib olishga qiziqadigan mashinalar esa 3 ming dollardan 5 ming dollargacha baholanadi.
Izoh (0)