A Seriya. “Roma” va “Milan” qo‘shimcha daqiqalarda gol urib, durang qayd etdi

Futbol bo‘yicha Italiya A Seriyasining 32-turida “Roma” o‘z maydonida 29-aprel, shanba kuni “Milan”ni qabul qildi. 

Uchrashuvning birinchi bo‘limida darvozalar ishg‘ol etilmadi. Ikkinchi bo‘limning 45 daqiqasida ham jamoalar darvoza tomon yo‘l topa olmadi. Biroq hakam qo‘shib bergan daqiqalarda Temmi Abraham rimliklarni hisobda oldinga olib chiqdi. 90+7-daqiqada esa Aleksis Salemakers muvozanatni tikladi. Shu tariqa o‘yin 1:1 hisobida yakunlandi. 

Ikkala jamoa ham ushbu durang natijadan so‘ng 1 ochkodan jamg‘arib, ochkolarini 57 taga yetkazdi va 4-5-o‘rinlarni egallab turibdi.

A Seriya

32-tur bahsi

29-aprel, shanba

“Roma” – “Milan” 1:1

Gollar: 1:0 – 90+3 Abraham, 1:1 – 90+7 Salemakers.

“Roma”: Ruy Patrisiu, Chelik, Manchini, Kumbula (Bove, 15; Kamara, 89), Rojer, Spinassola, Matich, Kristante, Pellegrini, Belotti (ash-Shaaravi, 46), Abraham (Solbakken, 90).

“Milan”: Menyan, Kalabriya, Kyer (Kalulu, 73), Tomori (Tiav, 46), Ernandes, Krunich, Bennaser (de Ketelare, 73), Braim Dias (Salemakers, 56), Tonali, Rafael Leau, Jiru (Origi, 88).

Ogohlantirishlar: Tomori (15), Matich (24), Rojer (71), Krunich (75), Kristante (83).