Kechasi iste’mol qilingan limon ikki hissa foydalidir. U sizni virusli kasalliklardan himoya qiladi, immunitet tizimini mustahkamlaydi va vazn yo‘qotishga yordam beradi. Ko‘pchilik bu nordon sitrus mevasini aynan oxirgi xususiyati uchun yaxshi ko‘radi.
Vazn yo‘qotishga yordam beradi
Uyquga yotishdan oldin iste’mol qilingan limon barcha metabolik jarayonni tezlashtirib, metabolizmni yaxshilaydi. Shu tufayli odam ozadi. Limon sharbati kun davomida iste’mol qilingan kaloriyalarni faol ravishda yo‘qotadi. Bunday ajoyib ta’sirga erishish uchun kechqurun bu sitrusning bir nechta bo‘lagini yeyish kifoya. Yaxshisi, undan suvini siqib oling va uni bir stakan suv bilan aralashtiring. Maksimal ta’sir qilish uchun bu nordon ichimlikka ozgina asal qo‘shilishi mumkin, bu ham metabolik jarayonga foydali ta’sir ko‘rsatadi.
Limon suvining shundayligicha o‘zini ichmaslik kerak. Bu bilan siz vazn yo‘qotish jarayonini tezlashtirmaysiz, balki oshqozoningizga zarar yetkazasiz, chunki ko‘p miqdordagi nordon sharbat kislotalilik darajasiga salbiy ta’sir qiladi.
Limon yeganingizdan yoki limonli suv ichganingizdan so‘ng har doim tishlaringizni yuving. Limon suvi tish emalini yemiradi.
Limonli suv iliq bo‘lishi kerakmi yoki sovuq suv yaxshiroqmi degan bahs hali ham mavjud. Parhezshunoslarning ta’kidlashicha, sovuq suv metabolizmni tezlashtiradi. Ammo ba’zi shifokorlar sovuq suv ichish zararli va iliq suv vazn yo‘qotish uchun yaxshiroq ekanini ta’kidlaydi, chunki buning natijasida organizmdagi yog‘ni eritish jarayoni faollashadi.
Nordon sariq meva tarkibidagi moddalar — limon kislotasi, askorbin kislotasi (shuningdek, vitamin C deb ataladi) va pektinlar tufayli yog‘ eriydi.
Bir stakan limonli suv ichish organizmdan suyuqlikning chiqishini kuchaytiradi, bizni shishdan xalos qiladi. Limon qonda qand miqdorini kamaytiradi va ochlikni bostiradi. Ichak mikrobiomasida ijobiy o‘zgarishlar tufayli ovqat hazm qilish va kayfiyat yaxshilanadi.
Limonni muntazam iste’mol gastrit bilan og‘riganlar uchun tavsiya qilinmaydi. Tish emalini shikastlamaslik uchun limonli suvni naycha orqali ichish tavsiya etiladi. Limon ko‘pincha allergiya xurujiga sabab bo‘ladi. Choyga asal, yalpiz va zanjabil bilan birga limon qo‘shish yanada foydali va mazali bo‘ladi. O‘lchov hissi va qarshi ko‘rsatmanning yo‘qligi bu sitrus bilan xavfsiz yog‘dan xalos bo‘lish kalitidir.
Vazn yo‘qotish uchun limonli retseptlar
Limonning samaradorligini boshqa mahsulotlar bilan birlashtirish orqali oshirish mumkin:
- bir bo‘lak sarimsoq va limonni maydalang. Termosga soling va ustidan 1,5 litr suv quying. Yotishdan oldin suvdan bir stakan iching;
- yupqa to‘g‘ralgan bodring, 1 osh qoshiq maydalangan zanjabil, limon bo‘laklari, yangi yalpizning 2-3 bargini chinni idishga soling va ustidan 10 stakan suv quying. Suvni yotishdan oldin bir stakan va kun davomida asta-sekin iching;
- 1 osh qoshiq dolchinni 1 stakan qaynoq suv bilan aralashtirib, xona harorati darajasida soviting. 1 osh qoshiq asal va bir tilim limon qo‘shib, yotishdan oldin iching.
Ushbu retseptlarning har biri oshqozon yarasi, gastrit yoki sitrus mevalarga allergiyasi bo‘lgan odamlarga tavsiya etilmaydi.
Vazn yo‘qotish uchun kechasi iste’mol qilingan limon haqiqatan ham samarali vositadir. Limondan tashqari sizdan to‘g‘ri ovqatlanish va jismoniy mashqlar bajarish qoidalariga rioya qilishingiz talab etiladi.
Izoh (0)