Кечаси истеъмол қилинган лимон икки ҳисса фойдалидир. У сизни вирусли касалликлардан ҳимоя қилади, иммунитет тизимини мустаҳкамлайди ва вазн йўқотишга ёрдам беради. Кўпчилик бу нордон цитрус мевасини айнан охирги хусусияти учун яхши кўради.
Вазн йўқотишга ёрдам беради
Уйқуга ётишдан олдин истеъмол қилинган лимон барча метаболик жараённи тезлаштириб, метаболизмни яхшилайди. Шу туфайли одам озади. Лимон шарбати кун давомида истеъмол қилинган калорияларни фаол равишда йўқотади. Бундай ажойиб таъсирга эришиш учун кечқурун бу цитруснинг бир нечта бўлагини ейиш кифоя. Яхшиси, ундан сувини сиқиб олинг ва уни бир стакан сув билан аралаштиринг. Максимал таъсир қилиш учун бу нордон ичимликка озгина асал қўшилиши мумкин, бу ҳам метаболик жараёнга фойдали таъсир кўрсатади.
Лимон сувининг шундайлигича ўзини ичмаслик керак. Бу билан сиз вазн йўқотиш жараёнини тезлаштирмайсиз, балки ошқозонингизга зарар етказасиз, чунки кўп миқдордаги нордон шарбат кислоталилик даражасига салбий таъсир қилади.
Лимон еганингиздан ёки лимонли сув ичганингиздан сўнг ҳар доим тишларингизни ювинг. Лимон суви тиш эмалини емиради.
Лимонли сув илиқ бўлиши керакми ёки совуқ сув яхшироқми деган баҳс ҳали ҳам мавжуд. Парҳезшуносларнинг таъкидлашича, совуқ сув метаболизмни тезлаштиради. Аммо баъзи шифокорлар совуқ сув ичиш зарарли ва илиқ сув вазн йўқотиш учун яхшироқ эканини таъкидлайди, чунки бунинг натижасида организмдаги ёғни эритиш жараёни фаоллашади.
Нордон сариқ мева таркибидаги моддалар — лимон кислотаси, аскорбин кислотаси (шунингдек, витамин C деб аталади) ва пектинлар туфайли ёғ эрийди.
Бир стакан лимонли сув ичиш организмдан суюқликнинг чиқишини кучайтиради, бизни шишдан халос қилади. Лимон қонда қанд миқдорини камайтиради ва очликни бостиради. Ичак микробиомасида ижобий ўзгаришлар туфайли овқат ҳазм қилиш ва кайфият яхшиланади.
Лимонни мунтазам истеъмол гастрит билан оғриганлар учун тавсия қилинмайди. Тиш эмалини шикастламаслик учун лимонли сувни найча орқали ичиш тавсия этилади. Лимон кўпинча аллергия хуружига сабаб бўлади. Чойга асал, ялпиз ва занжабил билан бирга лимон қўшиш янада фойдали ва мазали бўлади. Ўлчов ҳисси ва қарши кўрсатманнинг йўқлиги бу цитрус билан хавфсиз ёғдан халос бўлиш калитидир.
Вазн йўқотиш учун лимонли рецептлар
Лимоннинг самарадорлигини бошқа маҳсулотлар билан бирлаштириш орқали ошириш мумкин:
- бир бўлак саримсоқ ва лимонни майдаланг. Термосга солинг ва устидан 1,5 литр сув қуйинг. Ётишдан олдин сувдан бир стакан ичинг;
- юпқа тўғралган бодринг, 1 ош қошиқ майдаланган занжабил, лимон бўлаклари, янги ялпизнинг 2-3 баргини чинни идишга солинг ва устидан 10 стакан сув қуйинг. Сувни ётишдан олдин бир стакан ва кун давомида аста-секин ичинг;
- 1 ош қошиқ долчинни 1 стакан қайноқ сув билан аралаштириб, хона ҳарорати даражасида совитинг. 1 ош қошиқ асал ва бир тилим лимон қўшиб, ётишдан олдин ичинг.
Ушбу рецептларнинг ҳар бири ошқозон яраси, гастрит ёки цитрус меваларга аллергияси бўлган одамларга тавсия этилмайди.
Вазн йўқотиш учун кечаси истеъмол қилинган лимон ҳақиқатан ҳам самарали воситадир. Лимондан ташқари сиздан тўғри овқатланиш ва жисмоний машқлар бажариш қоидаларига риоя қилишингиз талаб этилади.
Изоҳ (0)