Ko‘pchilik xolesterinni ko‘paytirish xavfi tufayli parranda tuxumini kundalik ratsioniga kiritishdan qo‘rqadi. Keling, bu uydirma gapga chek qo‘yaylik — tadqiqotlar shuni ko‘rsatadiki, qondagi “zararli” xolesterin kontsentratsiyasi amalda tuxum sarig‘idan holi hisoblanadi. Bundan tashqari, ushbu to‘yimli mahsulotni mo‘tadil, ammo muntazam iste’mol qilish haqiqatan ham tanada aql bovar qilmaydigan nihoyatda ajoyib o‘zgarishlarni amalga oshirishi mumkin! Bir vaqtning o‘zida o‘nlab tuxumni sotib olishga undaydigan tuxum haqidagi 10 ta qiziqarli fakt bilan tanishing, deb yozadi The Voice Mag nashri.
Xolesterin darajasini tartibga soladi
Xolesterin foydali va zararli bo‘ladi. Fosfolipidlarning yuqori konsentratsiyasi tufayli tuxum faqat uning “foydali” versiyasini o‘z ichiga oladi. Shu tufayli mahsulot ateroskleroz xavfini kamaytiradi va yurak-qon tomir kasalliklaridan himoya qiladi.
Immunitetni oshiradi
Kasalliklar va viruslarga qarshi ishonchli qalqon qurish uchun kuniga bir yoki ikkita tuxumni iste’mol qilish yetarlidir.
Mushak massasini to‘ldiradi
Tanamiz 11 ta aminokislota ishlab chiqaradi va “to‘liq to‘plam” uchun qolgan 9 tasi tuxumda mavjud. Ularning yetishmovchiligi mushak massasining yo‘qolishiga, teri va soch muammolariga, zaiflik va immunitet yetishmasligiga olib keladi.
Miya faoliyatini oshiradi
Tuxum tarkibidagi xolinning ko‘p miqdori hujayra membranalariga va umumiy farovonligimizga katta ta’sir qiladi. Aynan u kayfiyatni yaxshilaydi, fikrlash jarayonlarini faollashtiradi, miya sklerozini oldini oladi, organizmga zarur energiya va kuch beradi.
Tish va suyaklarni himoya qiladi
Tuxum D vitaminining noyob tabiiy manbai bo‘lib, terimiz va tishlarimiz salomatligiga, go‘zalligiga ijobiy ta’sir qiladi. Bundan tashqari, tuxum organizmga kalsiyni singdirishga yordam beradi va metabolizm uchun ham zarurdir.
Yuz rangini yaxshilaydi
Tuxumda ko‘p bo‘lgan B2, B5 va B12 vitaminlari nafaqat serjilo sochlarning o‘sishiga yordam beradi, balki yuzning sog‘lom porlab turishini ta’minlaydi. Xuddi shu vitaminlar miya va jigar faoliyatida muhim rol o‘ynaydi.
Ko‘rlikdan saqlaydi
Tuxum tarkibidagi lyutein va zeaksantin yoshga bog‘liq degeneratsiya va katarakta xavfini sezilarli darajada kamaytiradi. Aynan shu ko‘rlik va boshqa ko‘rish muammolarining ikkita asosiy sababidir.
Ortiqcha vaznni yo‘qotadi
Tuxum vazn yo‘qotish uchun ideal oziq-ovqat hisoblanadi. U me’yorida iste’mol qilinganda yog‘larni eritib, stresslarsiz qo‘shimcha ozishga yordam beradi.
Tez to‘yintiradi
Tuxum to‘yinganlik ko‘rsatkichi bo‘yicha ro‘yxatning yuqori qismidadir. Ya’ni ularning diyetada doimiy mavjudligi sababidan sizni cheklab bo‘lmaydigan ishtaha qiynamaydi.
Stressni yengillashtiradi
Takroriy tadqiqotlar shuni ko‘rsatdiki, tuxum tarkibidagi aminokislotalar ruhiy salomatlikka ijobiy ta’sir ko‘rsatadi: xavotir hissini va stress darajasini pasaytiradi.
Mavzuga doir:
Izoh (0)