O‘zbekistonda to‘langan keshbeklar 1 trln so‘mdan oshdi

O‘zbekistonda iste’molchilarga to‘langan umumiy keshbek 1 trln so‘mdan oshdi. Bu haqda Soliq qo‘mitasi xabar bermoqda. 

Mart oyining o‘zida 2,2 mln nafarga yaqin iste’molchiga 118 mlrd so‘mdan ortiq keshbek to‘lab berilgan. Aprel oyida esa 1,6 mln nafarga yaqin aholiga 76,3 mlrd so‘m to‘langan. 

Shuningdek, kamchiliklar bartaraf etilishi natijasida o‘tgan oylar uchun yana 1,2 mlrd so‘m keshbek tasdiqlandi.

To‘langan keshbek summasi oylar kesimida:

• Yanvar (2022) — 15,5 mlrd so'm;
• Fevral — 23,3 mlrd so'm;
• Mart — 41,2 mlrd so'm;
• Aprel — 53,3 mlrd so'm;
• May — 59,7 mlrd so'm;
• Iyun — 73,4 mlrd so'm;
• Iyul — 78,1 mlrd so'm;
• Avgust — 87,6 mlrd so'm;
• Sentabr — 90,5 mlrd so'm;
• Oktabr — 87,0 mlrd so'm;
• Noyabr — 85,9 mlrd so'm;
• Dekabr — 127,4 mlrd so‘m;
• Yanvar (2023) — 97 mlrd so‘m;
• Fevral — 107 mlrd so‘m;
• Mart — 118 mlrd so‘m. 

Shu tariqa mart oyida to‘langan keshbeklar dekabr oyidan keyin eng ko‘p bo‘ldi.