Ўзбекистонда тўланган кешбэклар 1 трлн сўмдан ошди

Ўзбекистонда истеъмолчиларга тўланган умумий кешбэк 1 трлн сўмдан ошди. Бу ҳақда Солиқ қўмитаси хабар бермоқда. 

Март ойининг ўзида 2,2 млн нафарга яқин истеъмолчига 118 млрд сўмдан ортиқ кешбэк тўлаб берилган. Апрель ойида эса 1,6 млн нафарга яқин аҳолига 76,3 млрд сўм тўланган. 

Шунингдек, камчиликлар бартараф этилиши натижасида ўтган ойлар учун яна 1,2 млрд сўм кешбэк тасдиқланди.

Тўланган кешбэк суммаси ойлар кесимида:

• Январь (2022) — 15,5 млрд сўм;
• Февраль — 23,3 млрд сўм;
• Март — 41,2 млрд сўм;
• Апрель — 53,3 млрд сўм;
• Май — 59,7 млрд сўм;
• Июнь — 73,4 млрд сўм;
• Июль — 78,1 млрд сўм;
• Август — 87,6 млрд сўм;
• Сентябрь — 90,5 млрд сўм;
• Октябрь — 87,0 млрд сўм;
• Ноябрь — 85,9 млрд сўм;
• Декабрь — 127,4 млрд сўм;
• Январь (2023) — 97 млрд сўм;
• Февраль — 107 млрд сўм;
• Март — 118 млрд сўм. 

Шу тариқа март ойида тўланган кешбэклар декабрь ойидан кейин энг кўп бўлди.