Saudiyaning ACWA Power energetika kompaniyasi O‘zbekistonda Osiyo taraqqiyot bankining (OTB) 174 million dollarlik krediti hisobidan ikkita shamol elektr stansiyasini quradi. Bu haqda OTB matbuot xizmati xabar bermoqda.
-21.jpg)
Bank bayonotiga ko‘ra, 40,5 million dollar Bosh shamol elektr stansiyasi (SHES) uchun, 46,5 million dollar esa Jankeldi SHES uchun ajratilgan bo‘lib, ikkalasi ham OTBning muntazam kapital resurslari hisobidan moliyalashtiriladi.
Har bir elektr stantsiyasida jami 3 235 gigavatt-soat elektr energiyasi ishlab chiqaradigan va yiliga taxminan 2 mln tonna karbonat angidrid ekvivalentini siqib chiqaradigan 79 ta shamol turbinasi mavjud.
Bosh va Jankeldi Markaziy G‘arbiy Osiyodagi eng yirik shamol energetikasi obyektiga aylanadi.
“O‘zbekiston Markaziy Osiyodagi eng tez iqtisodiy rivojlanayotgan davlatlardan biri bo‘lib, unda kundan kunga energiyaga bo‘lgan talab ortib bormoqda. Bosh va Jankeldi — bu mintaqaning energetika sektorida xususiy sektor ishtirokiga yashil shamol energetikasi loyihalari sezilarli ta’sir ko‘rsatadi”, — deydi OTB Xususiy sektor operatsiyalari bo‘yicha bosh direktori Syuzanna Gaburi.
Shuningdek, kreditlar hisobidan elektr tarmog‘iga ulash uchun 282,5 kilometr uzunlikdagi 500 kilovoltlik bir zanjirli havo elektr uzatish liniyasini qurish ko‘zda tutilgan.
O‘tgan oy Saudiya Arabistoni Davlat investitsiya jamg‘armasiga tegishli ACWA Power kompaniyasi O‘zbekiston Milliy elektr tarmog‘i bilan Toshkent, Buxoro va Samarqand viloyatlarida uchta quyosh fotoelektr loyihasini rivojlantirish bo‘yicha 2,5 mlrd dollarlik shartnomalar imzolagandi.
Shartnomalar umumiy quvvati 1 500 megavatt bo‘lgan uchta akkumulyator energiyasini saqlash tizimini ham o‘z ichiga oladi.
2022-yil avgust oyida ACWA Power O‘zbekiston Saudiya Arabistonidan tashqarida o‘z investitsiyalari uchun eng yirik bozor ekanligini ma’lum qilgandi.
Izoh (0)