O‘zbekiston eksporti 2023-yilning birinchi choragida 5,7 mlrd dollarni tashkil qilib, 2022-yilning mos davriga nisbatan 2,6 foizga pasaydi. Bu haqda Statistika agentligidan ma’lum bo‘ldi.
-18.jpg)
O‘zbekiston yanvar—mart oylarida 2,4 mlrd dollarlik oltin sotdi. Bu umumiy eksportning 42,4 foizi degani. Mart oyida oltin narxlari rekord darajada yuqoriladi va bu mamlakat uchun 1,2 mlrd dollarlik qimmatbaho metall sotishga turtki bo‘ldi (yanvarda ham 1,2 mlrd dollarlik oltin sotilgan, fevralda sotilmagan).
Shunga qaramay, oltin eksporti 2022-yilning mos davriga nisbatan 560 mln dollarga kamaygan. O‘shanda mamlakat eksportidagi oltin ulushi 51,5 foizgacha yetgan edi. Keyinchalik shu yilning mart oyidan boshlab O‘zbekiston yetti oy oltin sotmagan edi.
Eksportda eng yuqori o‘sish ichimliklar va tamaki eksportida kuzatildi — 10,2 mln dollardan 28,1 mln dollarga (o‘sish 2,7 barobar).
Mashinalar va transport uskunalari eksporti 132,6 mln dollardan 160,2 mln dollarga ko‘paydi — ikki barobar o‘sish.
Bu chorakda O‘zbekiston xizmatlar sotishni ham ko‘paytirgan. Eksport tarkibida xizmatlar ulushi 9,8 foizdan 16,5 foizgacha ko‘payib, 940,7 mln dollarga yetgan.
Shuningdek, yanvar—mart oylarida mamlakat sanoat tovarlarini 9,3 foizga kamroq eksport qilgan.
Eksport tarkibida tovarlar ulushi 83,5 foizni tashkil etib, ular sanoat tovarlari (17,2 foiz), oziq-ovqat mahsulotlari va tirik hayvonlar (6,1 foiz) va turli xil tayyor buyumlar (5 foiz) hissasiga to‘g‘ri kelmoqda.
Izoh (0)