Davlat statistika qo‘mitasi 2023-yil yanvar—mart oylari bo‘yicha ulgurji savdo aylanmasini e’lon qildi.
Ulgurji savdo tovar aylanmasi — qayta sotish maqsadida sotib olingan va tadbirkorlik faoliyatida foydalanish uchun uchinchi tomon tashkilotlariga o‘zgartirmagan holda jo‘natilgan tovarlarning ushbu tovarlar uchun haq to‘lanadigan yoki to‘lanmaganligidan qat’iy nazar qiymati.
Mamlakat bo‘yicha ulgurji savdo aylanmasi 42 trln so‘m, ya’ni 2022-yilning yanvar—mart oylariga nisbatan 8,8 foizga o‘sgan.
Tarkibiy qismlari 66,6 foiz mikrofirma va kichik korxonalari va 33,4 foiz yirik korxonalar hissasiga to‘g‘ri keldi.
Kichik biznes subyektlarining ulgurji savdo aylanmasidagi ulushi 28 trln so‘mni tashkil qilgan. Bu esa 2022-yilning mos davriga nisbatan 0,8 foizga o‘sishni anglatadi.
Ulgurji savdo tovar aylanmasida yuqori o‘sish sur’atlariga ega eng yirik korxonalar Namangan, Samarqand va Qashqadaryo viloyatlarida kuzatildi.
2023-yil 1-aprel holatiga, ulgurji savdo sohasida faoliyat ko‘rsatayotgan tijorat korxonalari soni 45 500 tani tashkil etdi. Shundan, faoliyat ko‘rsatayotgan yirik korxonalar soni 326 tani, kichik korxona va mikrofirmalar soni 45 174 tani tashkil qildi.
Izoh (0)