Prezident farmoniga asosan Vazirlar Mahkamasi tuzilmasida Davlat tilini rivojlantirish departamenti tashkil etilmoqda.
Shavkat Mirziyoyev “Vazirlar Mahkamasining ijro etuvchi tuzilmasini takomillashtirishga doir qo‘shimcha chora-tadbirlar to‘g‘risida”gi farmonni imzoladi. Mazkur farmonda Vazirlar Mahkamasining ijro etuvchi tuzilmasida Davlat tilini rivojlantirish departamenti tashkil etish belgilandi.
Mazkur departament tashkil etilishi munosabati bilan qo‘shimcha ajratilayotgan shtat birliklari Prezident administratsiyasining 5 ta shtat birligini qisqartirish hisobidan kiritiladi.
Adliya vazirligi bir oy muddatda qonunchilik hujjatlariga ushbu farmondan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritadi. Farmon ijrosini nazorat qilish bosh vazir Abdulla Aripov zimmasiga topshirildi.
Izoh (0)