Президент фармонига асосан Вазирлар Маҳкамаси тузилмасида Давлат тилини ривожлантириш департаменти ташкил этилмоқда.
Шавкат Мирзиёев “Вазирлар Маҳкамасининг ижро этувчи тузилмасини такомиллаштиришга доир қўшимча чора-тадбирлар тўғрисида”ги фармонни имзолади. Мазкур фармонда Вазирлар Маҳкамасининг ижро этувчи тузилмасида Давлат тилини ривожлантириш департаменти ташкил этиш белгиланди.
Мазкур департамент ташкил этилиши муносабати билан қўшимча ажратилаётган штат бирликлари Президент администрациясининг 5 та штат бирлигини қисқартириш ҳисобидан киритилади.
Адлия вазирлиги бир ой муддатда қонунчилик ҳужжатларига ушбу фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритади. Фармон ижросини назорат қилиш бош вазир Абдулла Арипов зиммасига топширилди.
Изоҳ (0)