Buxoro shahrida begona erkakni o‘zining eri ekanini aytib, tilanchilik qilib kelgan ayol qo‘lga tushdi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, 1985-yilda tug‘ilgan, Romitan tumani “Bog‘isaydon” mahallasida yashovchi X.S. ismli ayol tumanning “Hofizrabot” mahallasida yashovchi, 1985-yilda tug‘ilgan boshqa bir A.N. ismli erkakning xastalanib yotgani aks etgan rasmini ijtimoiy tarmoqlardan ko‘chirib olgan.
Ushbu surat orqali “Mening turmush o‘rtog‘im og‘ir betob, jigar sirrozi kasalligiga chalingan” deya Buxoro shahridagi Abu Xafs Kabir (Hojatbaror) jo‘me masjidiga kirish joyida ziyoratga kelgan fuqarolardan tilanchilik qilib kelgan.
Hozirgi kunda mazkur holat yuzasidan Buxoro shahar IIO FMB tomonidan tergovga qadar tekshiruv harakatlari olib borilmoqda. Tekshiruv yakuni bo‘yicha qonunchilikda belgilangan tartibda javobgarlik masalalari hal etiladi.
Izoh (0)