Бухоро шаҳрида бегона эркакни ўзининг эри эканини айтиб, тиланчилик қилиб келган аёл қўлга тушди. Бу ҳақда вилоят Ички ишлар бошқармаси ахборот хизмати хабар берди.
Хабарга кўра, 1985 йилда туғилган, Ромитан тумани “Боғисайдон” маҳалласида яшовчи Х.С. исмли аёл туманнинг “Ҳофизработ” маҳалласида яшовчи, 1985 йилда туғилган бошқа бир А.Н. исмли эркакнинг хасталаниб ётгани акс этган расмини ижтимоий тармоқлардан кўчириб олган.
Ушбу сурат орқали “Менинг турмуш ўртоғим оғир бетоб, жигар сиррози касаллигига чалинган” дея Бухоро шаҳридаги Абу Хафс Кабир (Ҳожатбарор) жўме масжидига кириш жойида зиёратга келган фуқаролардан тиланчилик қилиб келган.
Ҳозирги кунда мазкур ҳолат юзасидан Бухоро шаҳар ИИО ФМБ томонидан терговга қадар текширув ҳаракатлари олиб борилмоқда. Текширув якуни бўйича қонунчиликда белгиланган тартибда жавобгарлик масалалари ҳал этилади.
Изоҳ (0)