Surxondaryo viloyatida ayol bir necha ayollar tomonidan ayovsiz “samosud” qilingani haqida xabarlar tarqaldi. Viloyat Ichki ishlar boshqarmasi mazkur xabarlarga munosabat bildirdi.
Xabarga ko‘ra, bir guruh ayollar qarzini bermagani uchun ayolni do‘pposlab, qosh va sochlarini kesib, kiyimlarini yirtib tashlashgani aytilayotgan holat yuzasidan surishtiruv ishlari olib borildi. Holat 2022-yilning noyabr oyi oxirlarida, Denov tumani “Bog‘ishamol” mahallasi hududida sodir bo‘lgan.
Sariosiyo tumanida yashovchi 1991-yilda tug‘ilgan D.S. Denov tumanida yashovchilar 2003-yilda tug‘ilgan R.G. va X.N. ismli ayollar o‘rtalarida avvaldan mavjud bo‘lgan nizolari yuzasidan, o‘zaro janjallashib, D.S.ni mahalla hududida urib tan jarohati yetkazgan.
Hozirgi kunda mazkur holat yuzasidan, Denov tumani IIB huzuridagi Tergov bo‘limi tomonidan tergovga qadar tekshiruv harakatlari olib borilmoqda. Tergovga qadar tekshiruv harakatlari Surxondaryo viloyati Ichki ishlar boshqarmasi tomonidan nazoratga olingan.
“Samosud” voqealaridan
Shu kabi holat Toshkent shahridagi maktablarning birida sodir bo‘lgan edi. O‘quvchi qizlar boshqa bir qizni “samosud” qilgan. Voqeaga mish-mish va tuxmat sabab bo‘lgani aytilmoqda.
Toshkent shahri maktabgacha va maktab taʼlimi boshqarmasi ham holat yuzasidan munosabat bildirgan. Maʼlum bo‘lishicha, maktab maʼmuriyati ushbu holatdan 12-aprel kuni kechki vaqtda xabar topgan. 13-aprel kuni maktab maʼmuriyati janjal ishtirokchilarining ota-onalarini chaqirtirib, ular bilan tushuntirish ishlarini olib borgan.
Voqea yuzasidan Yangihayot tumani ichki ishlar organi faoliyatini muvofiqlashtirish bo‘limiga murojaat qilingan. Ushbu holat yuzasidan Yangihayot tumani ichki ishlar organi faoliyatini muvofiqlashtirish bo‘limi tergov bo‘limi tomonidan Jinoyat kodeksining 277-moddasi (bezorilik) bilan jinoyat ishi qo‘zg‘atilgan. Tergov davom etmoqda.
Izoh (0)