O‘zbekistonda milliy emlash kalendari asosida odam papilloma virusiga qarshi emlash boshlandi. Bu haqda Sanitariya-epidemiologiya qo‘mitasi axborot xizmati xabar berdi.
Ma’lum qilinishicha, buning uchun 3138 ta emlash punktida tibbiyot xodimlarining tayyorgarligi oshirilib, rejaga asosan 307 064 nafar 9 yoshdagi qizni emlash qamrovi jarayoni davom etmoqda.
Respublika Virusologiya ITI, Onkologiya va akusherlik-ginekologiya ilmiy amaliy tibbiyot markazlari tomonidan olib borilayotgan ilmiy tadqiqotlar shuni ko‘rsatadiki, agar VPCh vaksinasi bilan emlash o‘tkazilsa kelgusida 1100 nafar ayolni bachadon bo‘yni saratoni bilan kasallanishining oldi olinadi, qolaversa, 583 nafar ayolning hayotini saqlab qolishga erishiladi.
O‘zbekistonda har yili 1660 nafar ayol bachadon bo‘yni saratoni kasalligiga chalinayotgan bo‘lsa, 608 nafar ayol vafot etmoqda. Kasallikning profilaktikasi 9 yoshdagi qizlarni papilloma virusiga qarshi emlash hisoblanadi. Statistika agentligi ma’lumotlariga ko‘ra, bachadon bo‘yni saratoni O‘zbekistonda barcha yoshdagi ayollar o‘rtasida ko‘krak bezi saratonidan keyingi o‘rinda turadigan va eng ko‘p tarqalgan saraton kasaligi hisoblanadi.
Izoh (0)