Farg‘ona viloyati Qo‘qon shahrida 22-aprel kuni Gentra va Mercedes-Benz ishtirokida yo‘l-transport hodisasi sodir bo‘ldi. Viloyat Ichki ishlar boshqarmasi axborot xizmati xabar berdi.
Ma’lum bo‘lishicha, hodisa “Turkiston” va “Po‘stindo‘z” ko‘chalari kesishgan chorrahada sodir bo‘lgan. 1998-yilda tug‘ilgan haydovchi Gentra’da harakatlanayotib 1972-yilda tug‘ilgan haydovchi boshqaruvidagi Mercedes-Benz bilan to‘qnashgan.
Hodisa oqibatida Mercedes-Benz avtomoashinasida bo‘lgan 2 nafar yo‘lovchi og‘ir tan jarohati olib, vafot etgan. Haydovchilar A.T. va B.X. tan jarohati bilan shifoxonaga yotqizilgan. Holat yuzasidan tergovga qadar tekshiruv harakatlari olib borilmoqda.
Izoh (0)