O‘zbekiston Respublikasi Raqamli texnologiyalar vazirligi delegatsiyasi vazir Sherzod Shermatov boshchiligida Huawei kompaniyasining Shenchjen shahridagi bosh qarorgohiga tashrif buyurdi. Tashrif doirasida kompaniyaning ko‘rgazma zallari bo‘ylab tanishuv sayohati o‘tkazildi.
Raqamli texnologiyalar vazirligi, quyi tashkilotlar va mahalliy aloqa operatorlari vakillaridan iborat delegatsiya Xitoyning Shenchjen shahridagi Huawei kompaniyasining bosh qarorgohiga tashrif buyurdi. Tashrif davomida kompaniya AKT texnologiyalari, jumladan, 5G va 5,5G, Sun’iy intellekt, bulutli hisoblash, energiya tejamkor texnologiyalarga asoslangan iqtisodiyotning turli tarmoqlari uchun raqamli yechimlar sohasidagi innovatsiyalar va tendentsiyalarni taqdim etdi. Xitoyda muvaffaqiyatli amalga oshirilayotgan raqamli loyihalar, jumladan, ta’lim muassasalari va ularning kampuslari, ijtimoiy va transport obyektlari, alohida tuman va shaharlarni raqamlashtirish loyihalari asosida tajriba almashildi.
Tashrif chog‘ida kompaniyaning AKT sohasida erishgan yutuqlari, dasturchilar va ularning imkoniyatlarini kengaytiruvchi yangi innovatsion yechimlar, yangi raqamli va turistik ekotizimlar bilan ham tanishildi.
5G tarmog‘ining imkoniyatlari va uni yangi yo‘nalishlarda qo‘llash tajribasi o‘rganildi.
Huawei kompaniyasining 5G tarmog‘ini xorijdagi bir qator yo‘nalishlarda qo‘llashning ilg‘or tajribasi namoyish etildi. Shuningdek, tashrif davomida kompaniya tomonidan keyingi avlod – 5,5G tarmog‘ini ishga tushirish bo‘yicha rejalari bilan tanishildi.
.png)
“Huawei kompaniyasi har doim AKT ekotizimini rivojlantirish uchun barcha ishtirokchilar, jumladan, tartibga soluvchi organlar, aloqa operatorlari, taʼlim muassasalari vakillari soha va innovatsion texnologiyalarning rivojlanishi haqida xabardorligini oshirishi, tajriba almashishi mumkin bo‘lgan qulay muhit yaratishga intiladi va O'zbekistonda hamkorlikni kengaytirish imkoniyatlarini ko'rib chiqadi. “Raqamli O‘zbekiston – 2030” strategiyasi doirasida mamlakatimizning raqamli infratuzilmasini mustahkamlash, AKT sohasi bo‘yicha kadrlar tayyorlash, soha mutaxassislarining malakasini oshirish va IT xizmatlari sohasida mamlakatimiz eksport salohiyatini yuksaltirish bo‘yicha katta ishlar amalga oshirildi. Bugun biz kompaniyamiz tashkil topgan joy - Shenchjen shahrida O‘zbekiston delegatsiyasi bilan global tajribamiz bilan o‘rtoqlashyapmiz va bu respublikada jamiyatni raqamlashtirish uchun yanada ko‘proq foyda keltirishiga umid qilamiz”, — dedi janob Chen Szyakay, Huawei kompaniyasining O‘zbekistondagi direktori.
Raqamli texnologiyalar vaziri Sherzod Shermatov Huawei kompaniyasining Yaqin Sharq va Markaziy Osiyo bo‘yicha prezidenti Yi Siyan (Yi Xiang) bilan telekommunikatsiyalar sohasidagi hamkorlikni rivojlantirish bo‘yicha uchrashuv o‘tkazdi.
.png)
Uchrashuv davomida ushbu yo‘nalishlarda ikki tomonlama manfaatli bo‘lgan hamkorlik natijalari va istiqboldagi hamkorlikning yangi yo‘nalishdagi rejalari muhokama qilindi.
Xususan, O‘zbekistonda mavjud mobil aloqa operatorlari bilan amalga oshirilgan loyihalar bo‘yicha kompaniya tomonidan hisobot berildi.
O‘z navbatida, kompaniya rahbariyati ta’lim yo‘nalishida va xizmatlar eksportini rivojlantirishga qaratilgan loyihalarni qo‘llab quvvatlashga tayyorligini bildirdi.
Huawei O‘zbekistonda 23 yildan ortiq vaqtdan beri faoliyat yuritib, mamlakatning AKT infratuzilmasini mustahkamlashda faol ishtirok etib, beshta asosiy yo‘nalishda ish olib boradi: aloqa operatorlari (CNBG), davlat sektori va yirik sanoat (EBG), qayta tiklanuvchan energiya sohasi (Digital Power) va bulutli hisoblash (Cloud), shuningdek, foydalanuvchilar uchun aqlli qurilmalarni (CBG) joriy etish.
Ma’lumotlar sheriklik huquqi asosida tayyorlandi.
Izoh (0)