Ўзбекистон Рақамли технологиялар вазирлиги делегацияси Huawei компаниясининг бош қароргоҳига ташриф буюрди

Ўзбекистон Республикаси Рақамли технологиялар вазирлиги делегацияси вазир Шерзод Шерматов бошчилигида Huawei компаниясининг Шэньчжэнь шаҳридаги бош қароргоҳига ташриф буюрди. Ташриф доирасида компаниянинг кўргазма заллари бўйлаб танишув саёҳати ўтказилди.

Рақамли технологиялар вазирлиги, қуйи ташкилотлар ва маҳаллий алоқа операторлари вакилларидан иборат делегация Хитойнинг Шэньчжэнь шаҳридаги Huawei компаниясининг бош қароргоҳига ташриф буюрди. Ташриф давомида компания АКТ технологиялари, жумладан, 5G ва 5,5G, Сунъий интеллект, булутли ҳисоблаш, энергия тежамкор технологияларга асосланган иқтисодиётнинг турли тармоқлари учун рақамли ечимлар соҳасидаги инновациялар ва тенденцияларни тақдим этди. Хитойда муваффақиятли амалга оширилаётган рақамли лойиҳалар, жумладан, таълим муассасалари ва уларнинг кампуслари, ижтимоий ва транспорт объектлари, алоҳида туман ва шаҳарларни рақамлаштириш лойиҳалари асосида тажриба алмашилди.

Ташриф чоғида компаниянинг АКТ соҳасида эришган ютуқлари, дастурчилар ва уларнинг имкониятларини кенгайтирувчи янги инновацион ечимлар, янги рақамли ва туристик экотизимлар билан ҳам танишилди.

5G тармоғининг имкониятлари ва уни янги йўналишларда қўллаш тажрибаси ўрганилди.

Huawei компаниясининг 5G тармоғини хориждаги бир қатор йўналишларда қўллашнинг илғор тажрибаси намойиш этилди. Шунингдек, ташриф давомида компания томонидан кейинги авлод – 5,5G тармоғини ишга тушириш бўйича режалари билан танишилди.

“Huawei компанияси ҳар доим АКТ экотизимини ривожлантириш учун барча иштирокчилар, жумладан, тартибга солувчи органлар, алоқа операторлари, таълим муассасалари вакиллари соҳа ва инновацион технологияларнинг ривожланиши ҳақида хабардорлигини ошириши, тажриба алмашиши мумкин бўлган қулай муҳит яратишга интилади ва Ўзбекистонда ҳамкорликни кенгайтириш имкониятларини кўриб чиқади. “Рақамли Ўзбекистон – 2030” стратегияси доирасида мамлакатимизнинг рақамли инфратузилмасини мустаҳкамлаш, АКТ соҳаси бўйича кадрлар тайёрлаш, соҳа мутахассисларининг малакасини ошириш ва IT хизматлари соҳасида мамлакатимиз экспорт салоҳиятини юксалтириш бўйича катта ишлар амалга оширилди. Бугун биз компаниямиз ташкил топган жой - Шэньчжэнь шаҳрида Ўзбекистон делегацияси билан глобал тажрибамиз билан ўртоқлашяпмиз ва бу республикада жамиятни рақамлаштириш учун янада кўпроқ фойда келтиришига умид қиламиз”, — деди жаноб Чен Сзякай, Huawei компаниясининг Ўзбекистондаги директори.

Рақамли технологиялар вазири Шерзод Шерматов Huawei компаниясининг Яқин Шарқ ва Марказий Осиё бўйича президенти Йи Сиян (Йи Хианг) билан телекоммуникациялар соҳасидаги ҳамкорликни ривожлантириш бўйича учрашув ўтказди.

Учрашув давомида ушбу йўналишларда икки томонлама манфаатли бўлган ҳамкорлик натижалари ва истиқболдаги ҳамкорликнинг янги йўналишдаги режалари муҳокама қилинди.

Хусусан, Ўзбекистонда мавжуд мобил алоқа операторлари билан амалга оширилган лойиҳалар бўйича компания томонидан ҳисобот берилди.

Ўз навбатида, компания раҳбарияти таълим йўналишида ва хизматлар экспортини ривожлантиришга қаратилган лойиҳаларни қўллаб қувватлашга тайёрлигини билдирди.

Huawei Ўзбекистонда 23 йилдан ортиқ вақтдан бери фаолият юритиб, мамлакатнинг АКТ инфратузилмасини мустаҳкамлашда фаол иштирок этиб, бешта асосий йўналишда иш олиб боради: алоқа операторлари (CНБГ), давлат сектори ва йирик саноат (ЭБГ), қайта тикланувчан энергия соҳаси (Digital Power) ва булутли ҳисоблаш (Cloud), шунингдек, фойдаланувчилар учун ақлли қурилмаларни (CBG) жорий этиш.

Маълумотлар шериклик ҳуқуқи асосида тайёрланди.