Yevropa Ittifoqi (YI) Rossiya bilan don shartnomasini uzaytirmaslik oqibatlari halokatli bo‘ladi, deb hisoblaydi. Bu haqda YIning Rossiyadagi delegatsiyasiga asoslanib, RBK xabar bermoqda.
Nashrning yozishicha, Bryussel Rossiya, Turkiya, Ukraina va BMT don bo‘yicha kelishuvni uzaytirish bo‘yicha kelishuvga erisha olmasa, pushaymon bo‘lishlarini qayd etgan.
Shuningdek, Yevropa Ittifoqi Rossiya va Ukrainani global miqyosdagi tizimli o‘yinchilar deb atadi.
“Agar g‘alla bo‘yicha kelishuv yangilanmasa, halokatli oqibatlarni kutishimiz mumkin”, — deyiladi hisobotda.
YI delegatsiyasining qo‘shimcha qilishicha, Rossiya bitimni uzaytirish bo‘yicha ko‘pincha kelishuvga aloqador bo‘lmagan murakkab talablarni ilgari surmoqda.
Shu bilan birga, Moskva kelishuvning boshqa ishtirokchilari o‘z majburiyatlarini bajarmayapti, deb hisoblaydi. Misol tariqasida, Rossiya qishloq xo'jaligi mahsulotlariga nisbatan embargoning bekor qilinishi keltirilgan.
G7 mamlakatlari tashqi ishlar vazirlari ham g‘alla kelishuvi o‘ta muhim ekanini, Rossiya Federatsiyasi uning muddatini cheklamasligi kerakligini ta’kidlagan.
Rossiya va Ukraina o‘rtasida don kelishuvi BMT va Turkiya yordami bilan tinimsiz muzokaralardan so‘ng 2022-yilng 22-iyulida imzolangan edi.
Izoh (0)