Европа Иттифоқи (ЕИ) Россия билан дон шартномасини узайтирмаслик оқибатлари ҳалокатли бўлади, деб ҳисоблайди. Бу ҳақда ЕИнинг Россиядаги делегациясига асосланиб, РБК хабар бермоқда.
Нашрнинг ёзишича, Брюссел Россия, Туркия, Украина ва БМТ дон бўйича келишувни узайтириш бўйича келишувга эриша олмаса, пушаймон бўлишларини қайд этган.
Шунингдек, Европа Иттифоқи Россия ва Украинани глобал миқёсдаги тизимли ўйинчилар деб атади.
“Агар ғалла бўйича келишув янгиланмаса, ҳалокатли оқибатларни кутишимиз мумкин”, — дейилади ҳисоботда.
ЕИ делегациясининг қўшимча қилишича, Россия битимни узайтириш бўйича кўпинча келишувга алоқадор бўлмаган мураккаб талабларни илгари сурмоқда.
Шу билан бирга, Москва келишувнинг бошқа иштирокчилари ўз мажбуриятларини бажармаяпти, деб ҳисоблайди. Мисол тариқасида, Россия қишлоқ хўжалиги маҳсулотларига нисбатан эмбаргонинг бекор қилиниши келтирилган.
G7 мамлакатлари ташқи ишлар вазирлари ҳам ғалла келишуви ўта муҳим эканини, Россия Федерацияси унинг муддатини чекламаслиги кераклигини таъкидлаган.
Россия ва Украина ўртасида дон келишуви БМТ ва Туркия ёрдами билан тинимсиз музокаралардан сўнг 2022 йилнг 22 июлида имзоланган эди.
Изоҳ (0)