Finlyandiya prezidenti Sauli Niinistyo saylovlardan keyingi yangi parlamentning birinchi yig‘ilishida mamlakatning NATO a’zosi sifatidagi yangi maqomi “barcha muammolarni hal etolmasligini” aytdi. Bu haqda AP xabar bermoqda.
Finlyandiya rahbarining taʼkidlashicha, mamlakat Shimoliy Atlantika alyansiga qo‘shilganidan keyin ham “o‘z xavfsizligi uchun asosiy masʼuliyatni o‘zi zimmasiga oladi”, shuning uchun “qayerda bo‘shliq yoki zaiflik topilsa, ularni to‘ldirib, mustahkamlash kerak”.
Niinistyo qo‘shimcha qilganidek, Rossiya bilan 1 340 kilometrlik chegaraga ega Finlyandiya Rossiyaning Ukrainaga keng ko‘lamli bosqinidan keyin mintaqaviy xavfsizlik masalalariga eʼtiborini kuchaytirdi.
“Kelajakda hushyorlikning bu darajada pasayishiga yo‘l qo‘ymasligimiz kerak. Bu yerda biz ko‘rib turgan xavf va keskinlik hozirda ortib borayotgan geosiyosiy bosim bilan qanchalik uzviy bog‘liqligini yaxshi tushunishimiz kerak”, — dedi u.
2022-yilning may oyida Finlyandiya va Shvetsiya NATOga qo‘shilish uchun ariza topshirgan edi. NATO aʼzosi sifatida Turkiya arizani ma’qullash uchun har ikki davlatning oldiga bir qator shartlarini qo‘ydi. Shvetsiya hali bu shartlarni bajarmagan.
4-aprel kuni Finlyandiya rasman NATOga qo‘shildi va uning 31-aʼzosiga aylandi.
Izoh (0)