Qutqaruvchilar Toshkent viloyatining Bo‘stonliq tumanidagi tog‘larda adashib qolgan to‘rt kishiga yordam berdi. Bu haqda FVV matbuot xizmati xabar qildi.
13-aprel kuni soat 19:50 da Toshkent viloyati FVB Tezkor boshqaruv markaziga viloyatning Bo‘stonliq tumanidagi tog‘ yon bag‘rilarida dam olish uchun borgan to‘rt nafar fuqaro yo‘ldan adashib qolgani haqida xabar kelib tushgan. Shunga ko‘ra, qidiruv-qutqaruv ishlariga zudlik bilan Chimyon yong‘in-qutqaruv otryadining bir guruh qutqaruvchilari jalb qilingan.
Qutqaruvchilar tomonidan qisqa vaqt ichida yo‘ldan adashgan fuqarolar tumanning “Burchmullo” mahallasi hududidagi tog‘larning yuqori qismida ekani aniqlangan. Samarali sa’y-harakatlar natijasida yo‘ldan adashgan fuqarolar sog‘-salomat pastga olib tushilgan.
Izoh (0)