Сирдарё энг охирги: Ўзбекистон ҳудудларида ипотека кредити бўйича вазият қандай?

Марказий банк 2023 йилнинг 3 ойида аҳолига ажратилган ипотека кредитлари бўйича маълумот берди.

Маълумотларга кўра, жорий йилнинг январь—март ойларида 15,1 мингдан ортиқ аҳолига 3,2 трлн сўмлик ипотека кредити ажратилган.

Йил бошидан бери энг кўп ипотека кредитлари берилган ҳудудлар орасида Тошкент шаҳри етакчилик қилмоқда — 1,02 трлн сўм.

Иккинчи ўринни Тошкент вилояти (297,2 млрд сўм) эгаллаган бўлса, Навоий вилояти (242,3 млрд сўм) учинчи бўлди.

Ипотека кредитларининг энг кам миқдори Сирдарё вилоятига тегишли — 68,5 млрд сўм.

Бундан ташқари, Жиззах (97,4 млрд сўм), Қорақалпоғистон (131 млрд сўм) ва Бухорода (129,9 млрд сўм) ҳам нисбатан кам миқдорда кредит ажратилган.

Йил бошидан бери ипотека кредитларини молиялаштириш манбалари:

• Молия вазирлиги — 1,6 трлн сўм;
• Банк ўз маблағлари — 1,1 трлн сўм;
• Ипотекани қайта молиялаштириш манбалари — 521,6 млрд сўм.

Аввалроқ Ўзбекистонда 2023 йилда кўп қаватли уй-жойлар қуриш 90 мингтага етказилиши ҳақида хабар берилганди.