Jahon davlat qarzi darajasi pandemiyadan oldingi prognozga nisbatan tez sur’atlar bilan o‘sib bormoqda. Bu haqda Xalqaro valyuta jamg‘armasi (XVJ) xabar berdi.
Hozirgi ma’lumotlarga ko‘ra, 2028-yilga borib bu ko‘rsatkich jahon yalpi ichki mahsulotining 100 foiziga yaqinlashadi. Dunyoning ikki yirik iqtisodiyoti AQSH va Xitoy o‘sishning asosiy manbai bo‘lib qolmoqda.
Shunday qilib, AQSH davlat qarzi 2023-yildan boshlab har yili 3 foiz punktga o‘sib, 2028-yilga kelib mamlakat yalpi ichki mahsulotining 135 foizidan oshadi, — deya prognoz qilmoqda XVJ.
Xitoyning davlat qarzi 2023-yilda yalpi ichki mahsulotning 82,4 foizidan o‘sishni boshlagan bo‘lsa, 2028-yilga kelib YIMning 104,9 foizini tashkil etadi.
XVJ o‘z hisobotida davlat qarzining nazoratsiz o‘sishi bilan bog‘liq xavflar yuqori ekanligini, shuning uchun qarz yukini kamaytirish, ayniqsa, rivojlanayotgan mamlakatlar uchun asosiy ustuvor yo‘nalish bo‘lishi kerakligini ogohlantiradi.
Tashkilot tahlilchilari milliy tartibga soluvchilarni inqirozni boshqarish mexanizmlarini kuchaytirishga va muammoli moliyaviy institutlar bilan ishlash usullariga e’tibor berishga chaqirmoqda. XVJ AQSHda so‘nggi paytlarda yuz bergan bank shoki bilan bog‘liq so‘nggi nuqtaga e’tibor qaratdi.
Eng yomon inqiroz — bu suveren qarz inqirozi bilan bir vaqtga to‘g‘ri kelgan moliyaviy inqiroz. Bu halokatli halqa deb ataladi va bunday halqalarga yo‘l qo‘ymaslik kerak, — dedi XVJning moliyaviy masalalar bo‘yicha departamenti direktori Vitor Gaspard.
Gaspard regulyatorlar inflyatsiyaga qarshi kurashda foydalangan foiz stavkalarini oshirishga bo‘lgan ehtiyojni “qattiqroq” soliq siyosati (talabni cheklash orqali) zaiflashtirishi mumkinligini qo‘shimcha qildi.
XVJning aprel oyidagi makro prognoziga ko‘ra, 2023-yilda jahon iqtisodiyotining o‘sish sur’ati 2,8 foizgacha, 2024-yilda esa 3 foizgacha pasayadi.
Avvalroq 25 yil ichida birinchi marta qashshoq mamlakatlarning qarzi tarixdagi eng yuqori darajaga yetishi haqida xabar berilgandi.
Izoh (0)