Surxondaryo viloyati Denov tumanida korxona sobiq rahbari 573 million so‘mni o‘zlashtirgani aniqlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Xabarga ko‘ra, holat Bosh prokuratura huzuridagi departamentning Denov tumani bo‘limi tomonidan tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda aniqlangan.
“D.V.” AJning marketing va savdo-sotiq masalalari bo‘yicha sobiq rahbari F.D. korxonaning jami 573,1 million so‘m mablag‘ini ipoteka shartnomasi asosida olingan uy-joyiga to‘lov uchun hamda o‘ziga ish haqi sifatida o‘tkazib olishga erishib, ushbu mablag‘larni talon-toroj qilgani maʼlum bo‘lgan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)