Сурхондарё вилояти Денов туманида корхона собиқ раҳбари 573 миллион сўмни ўзлаштиргани аниқланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, ҳолат Бош прокуратура ҳузуридаги департаментнинг Денов тумани бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда аниқланган.
“Д.V.” АЖнинг маркетинг ва савдо-сотиқ масалалари бўйича собиқ раҳбари Ф.Д. корхонанинг жами 573,1 миллион сўм маблағини ипотека шартномаси асосида олинган уй-жойига тўлов учун ҳамда ўзига иш ҳақи сифатида ўтказиб олишга эришиб, ушбу маблағларни талон-торож қилгани маълум бўлган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)