Shavkat Mirziyoyev turkman xalqining milliy yetakchisi, Turkmaniston xalq maslahati raisi Gurbanguli Berdimuhamedovga uning onasi vafot etgani munosabati bilan hamdardlik bildirdi. Bu haqda prezident matbuot kotibi xabar berdi.
Gurbanguli Berdimuhamedovning onasi, mamlakatning amaldagi prezidenti Serdar Berdimuhamedovning buvisi Ogulabat Berdimuhamedova 86 yoshida olamdan o‘tdi. Shavkat Mirziyoyev Ogulobod Berdimuhamedovaning vafoti munosabati bilan Gurbanguli Berdimuhamedovga hamdardlik bildirdi.
“Mehribon va aziz volidai muhtaramangiz - Ogulabat Berdimuhamedovaning olamdan o‘tgani haqidagi xabar qalblarimizni chuqur qayg‘u va iztirobga soldi. Ogulabat edje o‘zining ibratli hayot yo‘li, chinakam mehnatsevarligi, odamlarga mehr-oqibati va kamtarligi bilan elu yurtingizning ulkan mehru muhabbatiga sazovor bo‘lgan mo‘tabar inson edi. Oilangiz uchun katta yo‘qotish bo‘lgan ushbu musibatli onlarda siz, janobi oliylariga va barcha yaqinlaringizga, qardosh va do‘st Turkmaniston xalqiga hamdardlik tuyg‘ularimizni izhor etamiz”, — deyiladi maktubda.
Izoh (0)