Қашқадарё вилояти Қарши шаҳрида 2022 йилда бедарак йўқолган бола 15 ойдан буён қидирилмоқда. Бу ҳақда вилоят Ички ишлар бошқармаси ахборот хизмати хабар берди.
Хабарга кўра, Қарши шаҳар, Пахтазор митти тумани, 40-А уй, 17-хонадонда яшаган, 2002 йилда туғилган Фахриддин Қурбонназаров 2022 йилнинг 31 январь куни тахминан соат 08:30 ларда “Қарши шаҳар 3-митти туманида жойлашган иш жойимга бораман” деб яшаш хонадонидан чиқиб кетиб, бедарак йўқолган.
Маълум қилинишича, алоҳида белгилари: бўйи 155-160 см атрофида, сочи, қошлари ингичка, ёйсимон, кўзлари қора рангда ва ўртача катталикда, юзи овалсимон шаклда, бурни тўғри шаклда, ўртача катталикда. Бошида қора рангли шапка, ёқасида мўйнали қора рангли куртка, кулранг жемфир, кўк рангли трикоси оёғида қора рангли красовка бўлган.
Уни кўрган ёки у ҳақда бирор маълумотга эга фуқаролардан Қашқадарё вилояти ИИБнинг ишонч телефонларига қўнғироқ қилиш сўралган. Шунингдек, фуқаролар томонидан тақдим этилган ҳар қандай маълумотлар сир сақланиши кафолатланиши ва моддий рағбатлантирилиши ҳам айтиб ўтилган.
Изоҳ (0)