Samarqand viloyati Urgut tumanida 3-mart kuni 18 yoshli kelin o‘z joniga qasd qilgani haqida xabar berilgandi. Bosh prokuratura holat yuzasidan qo‘shimcha tekshirish harakatlari o‘tkazilganini ma’lum qildi.
Marhumaga rahmsiz muomala qilish yoki uning sha’ni va qadr-qimmatini muttasil ravishda kamsitganlik holatlari bo‘lganiga aniqlik kiritish uchun guvohlarni batafsil so‘roq qilish, yuzlashtirish, qo‘shimcha ekspertizalar o‘tkazish va boshqa zarur tergov harakatlarini o‘tkazmasdan qonuniy to‘xtamga kelib bo‘lmasligini inobatga olib, Jinoyat kodeksining 103-moddasi (o‘zini o‘zi o‘ldirish darajasiga yetkazish) bilan jinoyat ishi qo‘zg‘atildi.
Tergov jarayoni Samarqand viloyati prokuraturasi tomonidan nazoratga olingan. Dastlabki ma’lumotlarga ko‘ra, 2004-yilda tug‘ilgan A.S. “Tersak” mahallasidagi ota-onasining yashash xonadonida noma’lum sabablarga ko‘ra, arqon yordamida bo‘yin sohasidan osib, o‘z joniga qasd qilgan.
Sud tibbiyot ekspertizasining 25-mart kungi 6-sonli xulosasida S.A.ning o‘limi osilishda bo‘yin a’zolarining sirtmoq bilan qisilishi oqibatidagi mexanik asfiksiyadan kelib chiqqani ko‘rsatilgan. Shu bilan birga, marhuma S.A.ning turmush o‘rtog‘i S.S. o‘z uyali telefonida saqlangan Telegram messenjerida tashkil etilgan kanalga joylangan turmush o‘rtog‘ining fotosuratini taqdim etgan.
Izoh (0)