Самарқанд вилояти Ургут туманида 3 март куни 18 ёшли келин ўз жонига қасд қилгани ҳақида хабар берилганди. Бош прокуратура ҳолат юзасидан қўшимча текшириш ҳаракатлари ўтказилганини маълум қилди.
Марҳумага раҳмсиз муомала қилиш ёки унинг шаъни ва қадр-қимматини муттасил равишда камситганлик ҳолатлари бўлганига аниқлик киритиш учун гувоҳларни батафсил сўроқ қилиш, юзлаштириш, қўшимча экспертизалар ўтказиш ва бошқа зарур тергов ҳаракатларини ўтказмасдан қонуний тўхтамга келиб бўлмаслигини инобатга олиб, Жиноят кодексининг 103-моддаси (ўзини ўзи ўлдириш даражасига етказиш) билан жиноят иши қўзғатилди.
Тергов жараёни Самарқанд вилояти прокуратураси томонидан назоратга олинган. Дастлабки маълумотларга кўра, 2004 йилда туғилган А.С. “Терсак” маҳалласидаги ота-онасининг яшаш хонадонида номаълум сабабларга кўра, арқон ёрдамида бўйин соҳасидан осиб, ўз жонига қасд қилган.
Суд тиббиёт экспертизасининг 25 март кунги 6-сонли хулосасида С.А.нинг ўлими осилишда бўйин аъзоларининг сиртмоқ билан қисилиши оқибатидаги механик асфиксиядан келиб чиққани кўрсатилган. Шу билан бирга, марҳума С.А.нинг турмуш ўртоғи С.С. ўз уяли телефонида сақланган Telegram мессенжерида ташкил этилган каналга жойланган турмуш ўртоғининг фотосуратини тақдим этган.
Изоҳ (0)