Ba’zi aktyorlarga mashhur rollarga erishishi uchun o‘nlab yillar kerak bo‘ladi. Shu zahotiyoq ajoyib loyihada rol o‘ynash imkoniyatiga ega bo‘lgan omadlilar ham bor.
Dev Patel — “Xarobadan chiqqan millioner”
Garchi Patel “Xarobadan chiqqan millioner” filmi chiqishidan oldin Britaniyaning “Go‘daklar” o‘smirlar serialida kichik rol o‘ynagan bo‘lsa-da, uning katta ekrandagi debyuti olamshumul mashhurlik keltirdi. Aktyor 5 ta kastingdan o‘tib, yuzlab nomzodlarni mag‘lub etdi. Roliga moslashish uchun Dev haqiqiy xarobalarga boradi, Call-markazda ishlaydi va mehmonxonada idish yuvadi. Patel butun dunyo bo‘ylab tomoshabinlarni o‘zining ijrosi bilan hayratda qoldirdi va ko‘plab nufuzli mukofotlarga sazovor bo‘ldi.
Jeymi Li Kertis — “Hellouin”
Film ijodkorlari kartinaga mashhurlarni taklif qilishga qurbi yetmasi, shuning uchun juda kam haq to‘lanadigan yangi aktyorlarga rol berishadi. Bungacha teleseriallarda faqat epizodik rollarda suratga tushgan Jeymi Li Kertis roli uchun bor-yo‘g‘i 8 ming dollar oladi. Bu film intiluvchan aktrisaning karyerasida burilish nuqtasi bo‘lib, uning ijodiy yo‘lini belgilab beradi deb kim o‘ylabdi deysiz.
Enn Xeteuey — “Malikaning kundaligi”
Bugungi kunda “Malikaning kundaligi” komediyasini bemalol kult deb atash mumkin. Uyatchan maktab o‘quvchisi Mia Termopolis roli Enn Xeteuey uchun debyut bo‘ldi. Aktrisa kasting paytida juda asabiylashadi, hatto o‘rindig‘idan yiqilib ham tushadi. Ennning qo‘pol harakatlari rejissorda shunday kuchli taassurot qoldiradiki, uni taniqli da'vogarlardan afzal ko‘radi. Shunday qilib, Xeteuey Kemeron Diaz va Keyt Hadsonni ortda qoldirib, rolga tasdiqlanadi.
Tom Holland — “Imkonsiz”
Tom o‘zining birinchi rolidan oldin faqat teatrda o‘ynagan, shuning uchun filmda suratga tushish 10 yoshli aktyor uchun qiyin bo‘lgan. Ammo “Imkonsiz” filmi Hollandni butun dunyoga mashhur qildi va uni yosh avlodning eng istiqbolli aktyorlaridan biriga aylantirdi.
Keyt Uinslet — “Samoviy xilqat”
Keyt Uinslet filmdagi debyutini Piter Jeksonning “Samoviy xilqat” dramasida qilgan. Maktab o‘quvchisi Julietning roli uning karyerasi uchun haqiqiy tramplinga aylandi. Aktrisa ushbu rol uchun 175 nafar da'vogardan biri bo‘lgan va filmdagi ijrosi tanqidchilar tomonidan yuqori baholangan.
Riz Uizerspun — “Oydagi odam”
15 yoshida Riz Uizerspun birinchi marta “Oydagi odam” dramasida suratga tushadi. Yosh aktrisa faqat epizod rolga umid qilgandi, lekin asosiy rolga tasdiqlanadi. Keyinchalik film rejissori Robert Malligan tajribasiz o‘smirni loyihaga jalb qilish juda xavfli ekanligini tushunadi. Ammo Riz bu vazifani yuz foiz bajarib, tomoshabinlarni ham, tanqidchilarni ham hayratda qoldiradi.
Anya Teylor-Joy — “Jodugar”
Bir necha kichik teleko‘rsatuvlardan so‘ng, 17 yoshida Anya Teylor-Joy “Jodugar” filmida bosh rolga tasdiqlanadi. Anya tajribasi kam bo‘lishiga qaramay, suratga olish maydonchasida o‘zini erkin tutadi va ko‘plab maqtovlarga sazovor bo‘ladi.
Pol Rudd — “Ovsarlar”
Pol Raddning filmografiyasi o‘nlab turli loyihalarni o‘z ichiga oladi, biroq sodiq muxlislar aktyorning “Ovsarlar” kult-komediyasidagi birinchi rolini hamon eslashadi. Pol Alisiya Silverstoun qahramonining o‘gay akasi rolini o‘ynaydi. Ammo bu rolga da'vogarlar orasida Raddan tashqari Ben Afflek va Zak Braff ham bo‘lganini ko‘pchilik bilmaydi.
Dueyn Jonson — “Mumiyo qaytmoqda”
Dueyn Jonson ilk bor katta ekranda “Mumiyo” franshizasining ikkinchi qismida Chayonlar qiroli sifatida paydo bo‘ladi. Tomoshabinlarga bu personaj shu qadar yoqadiki, unga alohida film — “Chayonlar qiroli” deb nomlangan spin-off ishlanadi.
Izoh (0)