Баъзи актёрларга машҳур ролларга эришиши учун ўнлаб йиллар керак бўлади. Шу заҳотиёқ ажойиб лойиҳада рол ўйнаш имкониятига эга бўлган омадлилар ҳам бор.
Дев Пател — “Харобадан чиққан миллионер”
Гарчи Пател “Харобадан чиққан миллионер” фильми чиқишидан олдин Британиянинг “Гўдаклар” ўсмирлар сериалида кичик рол ўйнаган бўлса-да, унинг катта экрандаги дебюти оламшумул машҳурлик келтирди. Актёр 5 та кастингдан ўтиб, юзлаб номзодларни мағлуб этди. Ролига мослашиш учун Дев ҳақиқий харобаларга боради, Call-марказда ишлайди ва меҳмонхонада идиш ювади. Пател бутун дунё бўйлаб томошабинларни ўзининг ижроси билан ҳайратда қолдирди ва кўплаб нуфузли мукофотларга сазовор бўлди.
Жейми Ли Кертис — “Ҳеллоуин”
Фильм ижодкорлари картинага машҳурларни таклиф қилишга қурби етмаси, шунинг учун жуда кам ҳақ тўланадиган янги актёрларга рол беришади. Бунгача телесериалларда фақат эпизодик ролларда суратга тушган Жейми Ли Кертис роли учун бор-йўғи 8 минг доллар олади. Бу фильм интилувчан актрисанинг карьерасида бурилиш нуқтаси бўлиб, унинг ижодий йўлини белгилаб беради деб ким ўйлабди дейсиз.
Энн Хетеуэй — “Маликанинг кундалиги”
Бугунги кунда “Маликанинг кундалиги” комедиясини бемалол култ деб аташ мумкин. Уятчан мактаб ўқувчиси Миа Термополис роли Энн Хетеуэй учун дебют бўлди. Актриса кастинг пайтида жуда асабийлашади, ҳатто ўриндиғидан йиқилиб ҳам тушади. Энннинг қўпол ҳаракатлари режиссёрда шундай кучли таассурот қолдирадики, уни таниқли даъвогарлардан афзал кўради. Шундай қилиб, Хетеуэй Кемерон Диаз ва Кейт Ҳадсонни ортда қолдириб, ролга тасдиқланади.
Том Ҳолланд — “Имконсиз”
Том ўзининг биринчи ролидан олдин фақат театрда ўйнаган, шунинг учун фильмда суратга тушиш 10 ёшли актёр учун қийин бўлган. Аммо “Имконсиз” фильми Ҳолландни бутун дунёга машҳур қилди ва уни ёш авлоднинг энг истиқболли актёрларидан бирига айлантирди.
Кейт Уинслет — “Самовий хилқат”
Кейт Уинслет фильмдаги дебютини Питер Жексоннинг “Самовий хилқат” драмасида қилган. Мактаб ўқувчиси Жулиэтнинг роли унинг карьераси учун ҳақиқий трамплинга айланди. Актриса ушбу рол учун 175 нафар даъвогардан бири бўлган ва фильмдаги ижроси танқидчилар томонидан юқори баҳоланган.
Риз Уизерспун — “Ойдаги одам”
15 ёшида Риз Уизерспун биринчи марта “Ойдаги одам” драмасида суратга тушади. Ёш актриса фақат эпизод ролга умид қилганди, лекин асосий ролга тасдиқланади. Кейинчалик фильм режиссёри Роберт Mallиган тажрибасиз ўсмирни лойиҳага жалб қилиш жуда хавфли эканлигини тушунади. Аммо Риз бу вазифани юз фоиз бажариб, томошабинларни ҳам, танқидчиларни ҳам ҳайратда қолдиради.
Аня Тейлор-Жой — “Жодугар”
Бир неча кичик телекўрсатувлардан сўнг, 17 ёшида Аня Тейлор-Жой “Жодугар” фильмида бош ролга тасдиқланади. Аня тажрибаси кам бўлишига қарамай, суратга олиш майдончасида ўзини эркин тутади ва кўплаб мақтовларга сазовор бўлади.
Пол Рудд — “Овсарлар”
Пол Радднинг фильмографияси ўнлаб турли лойиҳаларни ўз ичига олади, бироқ содиқ мухлислар актёрнинг “Овсарлар” култ-комедиясидаги биринчи ролини ҳамон эслашади. Пол Алисия Силверстоун қаҳрамонининг ўгай акаси ролини ўйнайди. Аммо бу ролга даъвогарлар орасида Раддан ташқари Бен Аффлек ва Зак Брафф ҳам бўлганини кўпчилик билмайди.
Дуэйн Жонсон — “Мумиё қайтмоқда”
Дуэйн Жонсон илк бор катта экранда “Мумиё” франшизасининг иккинчи қисмида Чаёнлар қироли сифатида пайдо бўлади. Томошабинларга бу персонаж шу қадар ёқадики, унга алоҳида фильм — “Чаёнлар қироли” деб номланган спин-офф ишланади.
Изоҳ (0)