Gollivud aktrisasi Linda Hemilton 80–90-yillarning mashhur jangovar yo‘nalishda suratga olingan “Terminator” filmida Sara Konnor rolini ijro etib, katta mashhurlikka erishdi. The Voice nashri aktrisaning hozir qanday ko‘rinishda ekani va nimalar bilan bandligi haqida ma’lumot berdi.
Sara Konnor filmdagi eng jozibali ayollardan biri va haqiqiy superqahramon sifatida muxlislarning qalbidan joy oldi. U kiborg qotili bilan qo‘rqmasdan kurashadi, yovuz insonlarga duch keladi va yetakchilik fazilatlarini namoyon etadi. Linda Hemilton franshizaning bir nechta qismlarida suratga tushdi va 2019-yilda “Terminator: Qorong‘i taqdir” filmidagi roliga qaytdi. Shu bilan birga, aktrisa butun aktyorlik karyerasida katta ahamiyatga ega bo‘lgan qahramon bilan xayrlashishga tayyor ekanligini aytgan.
Hozirda 66 yoshda bo‘lgan aktrisa filmlarda rol o‘ynaydi va vaqti-vaqti bilan ko‘rinish beradi. Aktrisaning tashqi ko‘rinishidan ancha qarib qolgani seziladi, chunki “Terminator” filmining birinchi qismi namoyish etilganiga 40 yildan ko‘proq vaqt o‘tdi.
Aktrisaning barcha muxlislari uni ushbu kinokartinadagi Sara sifatida biladi va u 80-yillarning boshqa ko‘plab mashhur filmlarida o‘ynagan. Masalan, “Qora oy ko‘tarilmoqda” va “King Kong yashaydi” kabi fantastik janrlardagi filmlarda akrisaga omad kulib boqdi.
Linda Hamilton haqida qiziqarli ma’lumotlar:
- aktrisaning Lesli ismli egizak singlisi bor edi (u 2020 yilda vafot etgan). U “Terminator-2” filmining suratga olish jarayonlarida aktrisaning dublyori bo‘lgan;
- Hemilton “Terminator” rejissori Jeyms Kemeron bilan turmush qurib, ajrashgan. Ularning Jozefina ismli qizi bor;
- u “Oltin globus” va “Emmi” mukofotlarini qo‘lga kiritgan.
Izoh (0)