Самарқанд вилояти Пахтачи туманида олтин қазиб олишга шароит қилиб бериш учун 1300 доллар олган шахс ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, ҳолат Бош прокуратура ҳузуридаги Департаментнинг Пахтачи туман бўлими томонидан ДХХ ходимлари билан ҳамкорликда ўтказилган тезкор тадбирда аниқланган. Тадбирда С.Ҳ. бошқа бир фуқаро Ф.Д.нинг ишончига кириб, танишлари ёрдамида “Қорақўтон" тоғида олтин қазиб олиши учун шароит яратиб бериши эвазига 1300 АҚШ долларини олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари олиб борилмоқда.
Изоҳ (0)