Ulug‘bek Ro‘ziqulov “O‘zavtosanoat” kompaniyasi boshqaruvi raisi etib tayinlandi. Bu ma‘lumotni “Daryo” manbasi tasdiqladi.
U bunga qadar 2019-yilning oktabr oyidan O‘zbekistonning Vyetnamdagi elchisi vazifasida ishlagan. 2017—2018-yillarda “O‘zbekiston havo yo‘llari” milliy aviakompaniyasida boshqaruv raisi lavozimida faoliyat yuritgan.
Ulug‘bek Ro‘ziqulov (1969-yilda tug‘ilgan) Lomonosov nomidagi Moskva davlat universiteti bitiruvchisi, Rossiya Fanlar akademiyasi Iqtisodiyot instituti aspiranturasini tamomlagan, iqtisod fanlari nomzodi hisoblanadi.
Eslatib o‘tamiz, Shavkat Mirziyoyevning 2017-yil 23-avgustdagi farmoni bilan Ulug‘bek Ro‘ziqulov bosh vazir o‘rinbosari — “O‘zavtosanoat” aksiyadorlik kompaniyasi boshqaruvi raisi — tashqi iqtisodiy faoliyat, eksport salohiyati, mashinasozlik, avtomobil va elektrotexnika sanoatini rivojlantirish, mahsulotlarni standartlashtirish masalalari kompleksining rahbari lavozimidan ozod etilgandi.
Izoh (0)